MSK referendumda əhalinin iştirak fəallığını artırmaq
üçün maarifləndirmə
tədbirlərinə başlamışdır
Mərkəzi Seçki Komissiyası
(MSK) martın 18-də keçiriləcək
ümumxalq səsverməsində
(referendumda) əhalinin
iştirak fəallığını
artırmaq üçün
maarifləndirmə tədbirlərinə
başlamışdır.
MSK üzvləri maarifləndirmə
proqramının birinci
mərhələsinə əsasən
İctimai televiziyada çıxışlara başlamışlar. Çıxışlar üçün həftənin
çərşənbə axşamı və cümə günləri
30 dəqiqə efir vaxtı ayrılmışdır.
Mərkəzi Seçki Komissiyasının
mətbuat xidmətindən
bildirmişlər ki, ümumilikdə, 10 mövzu
üzrə çıxışlar
nəzərdə tutulmuşdur. Həmçinin komissiya üzvləri dövri nəşrlərdə
də müxtəlif məqalələrlə çıxış
edəcəklər. Vətəndaşların maarifləndirilməsi proqramı
çərçivəsində bildirişlər də hazırlanacaqdır. Bildirişlərdə referendumla bağlı müddəalar əks olunacaqdır.
Televiziya vasitəsilə maarifləndirmə
proqramının 1-ci mərhələsi
fevralın 17-də başa
çatacaqdır. Mərkəzi Seçki Komissiyası plakatlar da çap
etdirmişdir.
Bundan başqa, fevralın ikinci yarısından başlayaraq aşağı
seçki komissiyalarının
üzvləri üçün
treninqlər təşkil
olunacaqdır.
Azərbaycan.-2009.-16 yanvar.-S.4.