Azərbaycanın süni peykinin orbitə buraxılması regional baxımdan əhəmiyyətlidir

Milli rabitə peykinin buraxılmasını nəzərdə tutan "AzərSat" layihəsi çərçivəsində yaxın vaxtlarda iki qlobal orbital mövqe icarəyə götürüləcəkdir. Azərbaycanın bu günədək aldığı orbital mövqelər yalnız ölkə daxilində istifadə üçün nəzərdə tutulmuşdur.

Beynəlxalq Telekommunikasiya İttifaqı ilə qlobal mövqelərin alınması istiqamətində iş aparılır, bir neçə ölkə ilə memorandum da imzalanmışdır.

Azərbaycanın 2010-cu ildə birinci, 2011-ci ildə isə ikinci süni peykinin orbitə çıxarılması regional baxımdan böyük əhəmiyyət kəsb edir. Bu peyklər Şərqi Avropa, Şimali Afrika, MDB, Orta, Mərkəzi və Şərqi Asiyanın bir hissəsini əhatə edəcəkdir. Beləliklə, ölkəmizin beynəlxalq məkana çıxışı təmin olunacaqdır. Bununla əlaqədar dövlət başçısı "Azərbaycan Respublikasında kosmik sənayenin yaradılması və telekommunikasiya peyklərinin orbitə çıxarılması haqqında" Sərəncam imzalamışdır.

AzərTAc

Azərbaycan.-2009.-23 yanvar.-S.3.