Ağ örpəkli Gədəbəy

Yurdumuzun dilbər guşələrindən olan Gədəbəy hər fəsildə gözəldir. Elə bil ki, İlahi Gədəbəyi yaradarkən onu təbiət sarıdan dünyanın ən füsunkar yerlərindən biri kimi xəlq eləyib. Yazda çəmənlərin ətrini sinənə çəkməkdən, yayda yaşıl libasını, payızda qızılı rəngini seyr etməkdən doymursan.

Qışı da bir özgə aləmdir Gədəbəyin. Qar yağanda lap qeyri-adi bir görünüşə malik olur. Bu bəyazlıqdan aldığın zövqü heç nə ilə müqayisə etmək olmur. Sanki dağı, daşı, dərəni, ağacları, evləri, hər yeri nəhəng bir ağ örpəyə bükürlər.

Gədəbəydə yaşayan həmkarımız Kərəm Nəbiyevin lentə aldığı bu şəkillərə baxdıqca qışın ürəkaçan mənzərələrindən qəlbimizə bir təzəlik, paklıq hopur. Şaxtadan donmuş su da buzlaşmış çiçəyə bənzəyir.

F.Xəlilzadə

Azərbaycan.-2009.-25 yanvar.-S.8.