Azərbaycan Prezidenti İlham Əliyevin "Microsoft" korporasiyasının baş vitse-prezidenti ilə görüşü

Yanvarın 29-da Azərbaycan Prezidenti İlham Əliyev Davosda "Konqress" mehmanxanasında "Microsoft" korporasiyasının baş vitse-prezidenti və "Microsoft İnternational"ın prezidenti Jan-Filip Kurtua ilə görüşmüşdür.

Görüşdə Azərbaycanın son illərdəki iqtisadi uğurları vurğulandı, təkcə energetika sahəsinin deyil, qeyri-neft sektorunun, xüsusilə informasiya texnologiyaları sahəsinin inkişafının dövlət başçısı tərəfindən prioritet istiqamətlərdən biri kimi irəli sürüldüyü və bu sahədə artıq nailiyyətlərin qazanıldığı bildirildi. Bununla əlaqədar Azərbaycan ilə dünyanın aparıcı "Microsoft" şirkəti arasında əməkdaşlığın hazırkı vəziyyəti və gələcək perspektivləri barədə fikir mübadiləsi aparıldı, bu sahədə əhəmiyyəti vurğulandı.

AzərTAc

Azərbaycan.-2009.-30 yanvar.-S.3.