Kərrara yar
qismət olmur, olmasın"
80 illik yubileydə
Kərrar Əbilovun bir istedadı da üzə çıxdı
"Uca zirvələrin buzlaşmış qarı
Alçaq təpələrdə,
düzdə heç olmaz"
Paytaxt restoranlarının
birində tanınmış
ziyalı, elm və siyasət xadimi, Vahid Azərbaycan Partiyasının sədri
Kərrar Əbilovun
80 illik yubleyi qeyd edildi. Ziyafətə
tanınmış ziyalılar,
media nümayəndələri, qohum-əqraba, dostlar dəvət olunmuşdu.
Ziyafətin aparıcısı
olan xanım müğənni, gözəl
mahnı və tostlarla yanaşı, yubiley münasibətilə
Kərrar Əbilova dünyanın müxtəlif
yerlərindən gəlmiş
təbrik məktublarını
oxudu. Rusiyadan, Ukraynadan, Avropadan və Şərq ölkələrindən məktublar
gəlmişdi.
Saysız və
səmimi tostlar arasında ifa olunan ritmik rəqslər
Kərrar müəllimin
özünü də
o qədər cəlb
etmişdi ki, bu dəqiqələrdə
onu özündən yaşca xeyli kiçik qonaqlardan ayırmaq mümkün deyildi. Allah qorusun!
Məclisin ən
gözəl anları
Kərrar Əbilovla bağlı danışılan
xatirələr oldu. Xatirələrdə onun erkən gənclik illərindən indiyə qədərki həyatı
barədə ən maraqlı detallar özünə yer almışdı.
Yubilyarın qardaşı
oğlanlarının şirin
meyxanaları məclisin
ahənginə xüsusi
görkəm verirdi.
"Əmimizin ad günündə"
misrası üstündə
qafiyələnən meyxanalar
bu janrın həqiqətən də
toy, ziyafət məclisləri
üçün əvəzsiz
olduğunu bir daha göstərirdi.
Məclisin ən
gözlənilməz hadisəsi
aparıcı müğənninin
Kərrar Əbilovun şeirlərini oxuması
oldu. Yubilyarın bir neçə-"heç
olmaz", "Ya Rəb, düşmənimiz
qoyma sevinsin" "Düşməni tez qovaq" və başqa şeirləri həqiqətən maraqla dinlənildi. Hətta çoxları "Kərrar
müəllimin şairliyi
də var imiş" deyərək,
təəccübünü açıq-aşkar büiruzə
verirdi. "Heç olmaz" şeirindən bir parça".
Heç olmaz
Uca zirvələrin buzlaşmış
qarı
Alçaq təpələrdə, düzdə
heç olmaz.
Habilin kamanı, Elçinin tarı
Sehirli kəlmədə, sözdə
heç olmaz.
Gəzsəniz
dünyanı hey qarış-qarış,
Qışda yay görərsiz, yayda isə qış.
Alqış vətənimə - elimə
alqış!
Kin qəlbdə
olmasa, gözdə heç olmaz.
Çox demiş şairlər, aqillər, əlbət,
Dünyanı yaşadır yalnız məhəbbət.
Biri digərini sevirsə xəlvət
Bu atəş alovda, közdə heç olmaz.
Nə bilək ki, kimlər ətdir, kim balıq?
Necə tapaq: kim bölünən,
kim qalıq?
Taqət həm hünərdir, həm də ucalıq,
Ürəkdə
olmasa, dizdə heç olmaz.
Boz ayı buz sorur,
ağ ayı armud.
Qapaza öyrənən istəməz
əmud
Qorxuram bizə də tuş gələ Bermud
Bu əməl ləpirdə, izdə heç olmaz
Kövrək ürəklərə kədər
dolmasın
Gül-çiçək
vədəsiz-vaxtsız solmasın
Kərrara yar qismət olmur, olmasın
Səksəndə
olmadı, yüzdə
heç olmaz
Kərrar Əbilov
1930-cu il aprel ayının 28-də
Onun "Odlu
axın" adlı
ilk hekayəsi 1950-ci ildə
"Azərbaycan gəncləri"
qəzetinin elan etdiyi müsabiqədə mükafata layiq görülüb, ilk məqaləsi
isə 1951-ci ildə
"Lenin tərbiyəsi uğrunda"
qəzetində çap
edilib.
Həmin vaxtdan
başlayaraq o, "Molodyoj
Azerbaydjana", "Azərbaycan
gəncləri", "Ədəbiyyat
və incəsənət",
"Bakı", "İnşaatçı",
"Bilik" qəzetlərində,
"İnqilab və Mədəniyyət" jurnalında
vaxtaşırı məqalələr,
hekayələr, şeirlər
çap etdirib və eyni zamanda
təhsilini davam etdirərək 1954-cü ildə
ali məktəbi fərqlənmə diplomu ilə, 1964-cü ildə isə aspiranturanı müəyyən olunmuş
vaxtdan 11 ay əvvəl
bitirərək psixologiya
elmləri namizədi alimlik dərəcəsi alıb. 1952-ci ildən sırf pedaqoji fəaliyyətlə məşğul
olan K.Əbilov təhsil sisteminin təkmilləşməsi, paklığı,
sağlamlığı uğrunda
həmişə mübarizə
aparıb və təhsildə pərakəndəliyə
qarşı, sistemin bütövlüyü, tamlığı
uğrunda var qüvvə ilə çalışıb.
K.Əbilov Azərbaycanın
müstəqilliyi, azadlığı,
vahidliyi uğrunda mübarizənin həmişə
ön sıralarında
olub, Vahid Azərbaycan ideyasının
təşəkkül tapıb
təkmilləşməsi, müxtəlif ölkələrdə
yaşayan azərbaycanlıların
mənəvi-psixoloji birliyinin
yaradılması yolunda
mümkün olan bütün vasitələrdən
istifadə edib və etməkdədir.
Vahid Azərbaycan
Uğrunda Mübarizə
İttifaqı, Vahid Azərbaycan Partiyası,
"Vahid Azərbaycan"
qəzetinin yaradılmasında
aparıcı rol oynayan K.Əbilov həm də həmin qurumların rəhbəri olaraq qalır.
Onun 1988-ci ildə
yaratdığı Azərbaycan
Milli Qurtuluş Cəbhəsi Ermənistanla
sərhəddə və
Dağlıq Qarabağda
yerləşən, azərbaycanlılar
yaşayan kəndlərin
müdafiəsi yolunda
çox tutarlı tədbirlər həyata keçirib və quduzlaşmış erməni
millətçilərinin qarşısını
ala biləcək özünümüdafiə
dəstələri yaratmaqla
azərbaycanlıların bu
kəndlərdə kütləvi
qırğınının qarşısını ala bilib.
Kərrar müəllimi
80 yaşının tamam
olması münasibətilə
təbrik edir, ona cansağlığı,
uzun ömür və daha böyük
uğurlar arzulayırıq.
Bakı xəbər.- 2010.- 5 may.- S. 7.