Qonaqpərvərlik - Azərbaycançı
olmağın mühüm əlaməti
kimi...
Çar Rusiyasının, sovet hakimiyyətinin dövründə
və indi də qonaqpərvərlik
Bütün tarixi dövrlərdə qoruyub saxladığımız
bu keyfiyyət ölkənin tanınmasında
böyük rol oynayır
Azərbaycanda tolerantlığın üstün səviyyədə
olmasını şərtləndirən
parametrlər yetərincə
çoxdur. Bu haqda zaman-zaman deyilib və yazılıb. Bütün bunların
fonunda məlum olan odur ki,
Azərbaycan xalqı həqiqətən də
humanist və bəşəri
dəyərlərə sadiq
olan müdrik xalqdır. Çünki ölkəmizdə tolerantlığın səviyyəsinin,
region və digər ölkələrlə müqayisədə,
üstün olmasını
sübut edən bir sıra faktorlar
var.
Məhz həmin faktorların vəhdət halında
olmasının nəticəsidir ki, ölkədə
yaşayan azsaylı xalqların bir-birilə münasibəti təbii
olaraq qarşılıqlı hörmətə əsaslanır.
Bu xüsusda diqqətçəkən məqamlardan biri də
Azərbaycanın digər MDB dövlətlərilə
müqayisədə daha üstün çəkiyə malik
olmasıdır. Məsələ ondadır ki, Azərbaycan
milli tərkibinə görə daha rəngarəng palitraya
malikdir. Yerli xalqın gəlmələrə, ayrı-ayrı
milli azlıqlara münasibəti həmişə yaxşı
olub. Digər tərəfdən, tarixə nəzər salsaq
görərik ki, hansı ictimai formasiyanın olmasından
asılı olmayaraq, Azərbaycanda əcnəbilərə
münasibət həmişə yaxşı olub.
Afanasi Nikitinlərin, Müsyö Jordanların,
Dümaların Azərbaycanda hansı ürək
açıqlığı ilə qəbul olunduqlarına dair
nə qədər faktlar göstərmək olar? Kimliyindən
asılı olmayaraq, istənilən əcnəbi
özünü burada rahat hiss edib. Bütün bunlar bir daha
onu göstərir ki, Azərbaycan xalqının əcnəbilərə
qarşı sərgilədiyi insani münasibət hansısa
ictimai formasiya ilə bağlı deyil. Bu, xalqımızın
genindən, bağlı olduğu kökdən qaynaqlanır.
İllər keçdikcə, bu isti münasibət daha da
inkişaf edib və mentalitetimizin ayrılmaz tərkib hissəsinə
çevrilib. Məsələn, Azərbaycan Çar
Rusiyasının işğalı altında olanda XIX əsrin
birinci yarısına qədər malakanlar, almanlar ölkəmizə
sürgün olunub. Azərbaycanın qərb bölgəsində
məskunlaşan adıçəkilən xalqlar qısa
müddətdə ölkəmizdəki mühitə adaptasiya
olundular. Göstərilən isti münasibət onların
daimi olaraq Azərbaycanda yaşamasına və
xalqımızla qaynayıb qarışmasına gətirib
çıxardı. Yeri gəlmişkən onu da qeyd edək
ki, almanlar Azərbaycana yeni əmək vərdişləri gətirdi.
Belə ki, onların Gədəbəy mis mədənlərində
o dövr üçün tətbiq etdiyi yeni iş
metodları, hazırki Göygöl rayon ərazisində
saldıqları üzüm plantasiyaları, zəhmətsevərliyi
yaddaşlardan silinməyib. Bununla belə, o zaman Bakıda neft
mədənlərində işləmək üçün
çoxlu sayda müxtəlif millətlərin nümayəndələri
gəldi ki, onlara da çox normal mühit yaradıldı. Daha
sonra Azərbaycan kommunist işğalına məruz qaldı və
ölkədə tamamilə fərqli - sosializm quruluşu bərqərar
oldu. Yetmiş illik sosializm dönəmində də Azərbaycanda
əcnəbilərə qarşı isti münasibət dəyişməz
olaraq öz rolunu qoruyub saxladı. Ən nəhayət, 1991-ci
ildə Azərbaycan müstəqillik əldə etdikdən
sonra ölkəmizin beynəlxalq münasibətləri yeni
müstəvidə inkişaf etməyə başladı. Məsələ
ondadır ki, ölkənin neft və digər sektorlarına
qoyulan xarici sərmayə ölkəyə əcnəbi miqrant
axını üçün şərait yaratdı. Hazırda
ölkəmizdə, dinindən, irqindən asılı
olmayaraq, müxtəlif ölkələri təmsil edən əmək
miqrantları fəaliyyət göstərir. Onların bir
çoxu Azərbaycanda daimi məskunlaşmağa qərar
verib. Həmçinin, ölkəmizdə məskunlaşan əcnəbilər
yerli insanlarla nigaha girir. ABŞ-ın "Sülh korpusu"
proqramı çərçivəsində əcnəbi vətəndaşlar
ölkənin müxtəlif bölgələrində tədris
işi həyata keçirir və s. Onlara olan xoş
münasibətin nəticəsidir ki, əcnəbilər
heç bir problemlə üzləşmir və hansısa
xoşagəlməz insident baş vermir. Bu bir daha onu göstərir
ki, xalqımızın humanistliyi gendən, kökdən gəlir.
Tanınmış şərqşünas Seyid Camal Əzimbəyli
hesab edir ki, əcnəbilərə Azərbaycanda xoş
münasibətin olmasının kökləri dərindir:
"Ona görə ki, xalqımız mənəvi cəhətdən
təmizdir və pakdır. Qədim dövrdən üzübəri
xalqımız digər millətlərin nümayəndələrinə
dözümlü münasibətilə seçilib. Dəfələrlə
qeyd etmişəm ki, Azərbaycanda dinlərarası, millətlərarası
tolerantlıq üstün və cəlbedici səviyyədə
olub. Hətta İslam dininin özündə belə,
tolerantlıq dünyanın heç bir ölkəsində
olmayacaq qədər yüksək səviyyədədir. Bütün
bunların həmahəng olması xalqımızın gen
yaddaşından irəli gəlir. Hansısa ictimai quruluş
burada önəmli rol oynamır. Elə olsaydı, bədnam
ermənilər digər millətlərə dözümlü
yanaşardı. Fikir verin, ermənilər o qədər rəzil
insandır ki, orada rusların belə, yaşamasını rəva
görmədilər. Halbuki, məhz Rusiya yoxdan Ermənistan
dövlətinin yaranmasına şərait yaratdı. Bu
cür pis xislətin nəticəsidir ki, hazırkı Ermənistan
monoetnik dövlətə çevrilib. Azərbaycan
xalqının əcnəbilərə münasibətdə sərgilədiyi
tolerant münasibət, dini dözümlülük bu
xalqın genofonundan qaynaqlanır. O cümlədən, bu
xalqın milli heysiyyətindən doğan mərhəmət
hissidir. Bu kimi məsələlərdə,
düşünürəm ki, Azərbaycan xalqı, həqiqətən
də digər xalqlardan, özünü demokratiyanın
beşiyi sayanlardan qat-qat üstündür. Etiraf etməliyik
ki, əcnəbilərə xoş münasibətin
olmasında mövcud ölkə hakimiyyətinin də xidmətləri
böyükdür. Ona görə də bu xidmətləri də
danmaq olmaz. Əsrlərdir, Azərbaycanda digər xalqların
nümayəndələri yaşayıb və yerli xalqla
qaynayıb-qarışıb. Bir sıra əcnəbilərin
nümayəndələri var ki, xalqımızla sıx
qohumluq əlaqələrinə malikdir. Xalqımızın
mentalitetindən qaynaqlanan humanizm bu əlaqələrin
möhkəmlənməsinə və daha da inkişaf etməsinə
xidmət göstərir. Fikir verin, Azərbaycanda
müşahidə olunan iqtisadi inkişafla əlaqədar
olaraq bir çox dövlətlərin vətəndaşları
ölkəmizdə əmək fəaliyyətilə məşğuldur.
Azərbaycanda qanuni əmək miqrantları ilə
yanaşı, elələri də var ki, müvafiq dövlət
qurumlarında qeydiyyatdan keçmədən əmək fəaliyyətilə
məşğuldur. Bütün bunlara baxmayaraq, onlara
qarşı hər hansı bir ayrı-seçkiliyin
olmasını təsəvvür belə etmək olmaz. Ona
görə ki, xalqımız qonaqpərvərdir, humanistdir.
Bir növ onları da başa düşürük. Çünki
əcnəbilər bir parça çörək qazanmaqdan
ötrü ölkəmizə pənah gətirib".
Konstitusiya Araşdırmaları Fondunun sədri Əliməmməd
Nuriyevin sözlərinə görə, bütün dövrlərdə
azərbaycanlılar əcnəbi millətlərə
münasibətdə dözümlü davranış ortaya
qoyub: "Bu bizim ən mühüm dəyərlərimizdən
biridir. Çünki hamı Allah tərəfindən
yaradılıb və tanrı qarşısında bərabərdir.
Əlbəttə ki, insanlar hansısa dini
baxışlarına, irqinə, dilinə, əqidəsinə,
bioloji görüntülərinə görə fərqlənə
bilər. Ancaq bütün hallarda bu münasibət bir tolerant
münasibət olub. Digər tərəfdən,
xalqımızda olan bu insani münasibət insanlara olan sevgi ilə
bağlı məsələdir. Yəni bizim xalqın digər
xalqlara olan sevgisilə bağlıdır. Həmçinin bu,
xalqımızın bir yaşam tərzidir. Yarandığımız
gündən genlərimizə daxil olan bir xüsusiyyətdir.
Hətta ən ağır vəziyyətlərdə, əziyyətli
günlərdə belə, iynənin ucu qədər biz kiminsə
xətrinə dəyən kütləvi
çıxışlar etməmişik. Ermənilərin ərazimizi
işğal etmələrinə baxmayaraq, onlara qarşı
belə, bəzən tolerantlıq nümayiş etdiririk. Sovet
rejiminin yüz cür fitnə-fəsad törətməsinə
rəğmən, xalqımız əcnəbilərə olan
xoş insanı duyğularını itirmədi. Bununla
yanaşı, uzun illərdir yəhudilərlə çox
yüksək səviyyədə tolerant münasibətlər
şəraitində yaşayırıq. Baxmayaraq ki, ortada fərqli
din ayrılığı var. Ancaq bir-birimizə çox
yaxınıq. Təsadüfi deyil ki, dünyada istənilən
yəhudi Azərbaycanı özünə doğma vətən
hesab edir. Rus ordusunun torpaqlarımızın işğal
olunmasında müstəsna xidmətləri olmasına
baxmayaraq, bu günün özündə belə, tərəflər
arasında gözəl münasibətlər var. Bütün
bunlarla yanaşı, bizim bir məsuliyyətimiz var. Ona görə
ki, xalqımız böyük olduğu üçün, digərlərini
də himayə etməlidir. Bu gün Azərbaycanda vəzifədə
olanların içərisində xeyli sayda digər xalqların
nümayəndələri var. Bizdə bir ayrı-seçkilik
yoxdur və ola da bilməz. Eyni zamanda, bu, Azərbaycan
xalqının malik olduğu yüksək bəşəri
keyfiyyətlərdən biridir. Allahın Azərbaycan
xalqına verdiyi xüsusi keyfiyyətlərin nəticəsidir.
Burada hansısa ictimai formasiya rol oynamır. Şəxsən mən
hesab edirəm ki, belə olmalıdır və bu daha
yaxşıdır. İnsan bu dünyaya insanlıq
üçün gəlib. Bu prinsiplərdən
çıxış edərək, yaxşılıq etmək
lazımdır. Onu da nəzərə almaq lazımdır ki, əcnəbilər
iş dalınca ölkəmizə üz tutduqları kimi,
xeyli sayda azərbaycanlı da iş tapmaqdan ötrü
dünyanın müxtəlif ölkələrinə səpələnib.
Ona görə də bir-birini sevmək lazımdır.
Xalqımız öz zəngin mədəniyyətinə, məişətinə
söykənərək humanizm prinsiplərindən
çıxış edir.
Bəzən belə deyirlər ki, Azərbaycan
xalqında aşırı dözümlülük var. Mənə
elə gəlir ki, bunu pis mənada yozmamalıyıq. Azərbaycan
xalqı əsrlər boyu mövcud olan qonaqpərvərlik,
humanizm ənənələrini yaşatmalı və
dövrün, zamanın tələblərinə uyğun
olaraq inkişaf etdirməlidir. Bu yolda nə qədər
çox uğurlara imza atsaq, bir o qədər bəşəri
ideyaların fövqündə dayanmış olacağıq. Azərbaycan
xalqının genetikasından qaynaqlanır ki, millətimiz
heç bir zaman qonşularına biganə münasibət bəsləməyib.
İmkanı daxilində qonşularına kömək əlini
uzadıb. Biz xalqımızın malik olduğu bu bəşəri
dəyərlərlə fəxr etməliyik".
Vidadi Ordahallı
Bakı xəbər.-
2011.- 23 may.- S. 15.