YUNESKO-da ermənilərə
"Aşıq Qərib zərbəsi"...
İntiqam Hümbətov: "Ermənilərə
sübut olundu ki, "Aşıq Qərib" dastanı Azərbaycana
məxsusdur"
"Tarixən
ermənilər Azərbaycan mədəniyyətinə,
musiqisinə, dastanına, hətta milli
xörəklərimizə belə göz
dikiblər"
Ermənilər bütün dövrlərdə Azərbaycana
qarşı işğalçılıq siyasətini təkcə
ərazi iddiaları ilə məhdudlaşdırmayıblar. Həmişə
mədəni irsimizə, milli-mənəvi dəyərlərimizə
göz dikiblər, onları
oğurlayıb özününküləşdirməyə
çalışıblar. Nəticədə
ermənilərin intellektual və mədəniyyət
dəyərləri ilə bağlı oğurluqları, tarixi-coğrafi uydurmaları və saxta tarix
formalaşdırmaları onlarda bir ənənəyə çevrilib.
Onlar bu gün də Azərbaycanın mədəni irs nümunələrini erməni mülkiyyəti
adı altında tirajlayıb, xaricdə yaymaqla
məşğuldurlar. Vaxtaşırı xarici
mətbuatda bu məsələlərlə
bağlı qondarma və absurd
iddialarla çıxışlar edirlər.
Bununla həm də Azərbaycana
qarşı bir informasiya
müharibəsi aparırlar. Ermənilərin mədəni oğurluğu bu informasiya müharibəsində artıq
peşəkar vərdişə çevrilib.
Vaxtilə ermənilər "Sarı gəlin"
mahnımızı oğurladılar. Daha sonra isə bizim
"Aşıq Qərib" dastanımıza göz
dikdilər. Hətta onlar 2011-ci ildə
"Aşıq Qərib"i UNESCO-da özününkü kimi
təqdim etmək istəyiblər. Ermənistan Azərbaycana məxsus
qədim aşıq nümunəsi olan
"Aşıq Qərib" dastanını UNESCO-nun
qeyri-maddi mədəni irs
siyahısına erməni musiqisi kimi təqdim edib. Maraqlıdır, Azərbaycan tərəfi
bunun qarşısının
alınması üçün hansı tədbirləri
görüb?
Mədəniyyət və Turizm Nazirliyinin mətbuat xidmətinin rəhbəri
İntiqam Hümbətov "Bakı-Xəbər"ə
açıqlamasında qeyd etdi ki, tarixən ermənilər
Azərbaycan mədəniyyətinə vurğun
olublar: "Onlar Azərbaycan
musiqisi, dastanı, hətta milli xörəklərimizə belə göz dikiblər. Dəfələrlə xalq, bəstəkar mahnılarımızı
oğurlayıb ifa ediblər. Biz bu məsələlərlə
bağlı lazımi tədbirlər görmüşük.
Eləcə də onların "Aşıq Qərib"
dastanını guya erməni dastanı kimi təqdim etmək istəklərinə Azərbaycan
tərəfi həmin an reaksiya
verib. Mədəniyyət və Turizm Nazirliyi, o cümlədən digər qurumlar
bu məsələdə daha
çevik qərar verib,
düşmən ölkənin cavabını veriblər. Biz ermənilərə sübut
etdik ki,
"Aşıq Qərib" dastanı Azərbaycana məxsusdur
və onlar bu məsələdə
geri çəkildilər".
Günel CƏLİLOVA
Bakı xəbər. - 2014.- 27
fevral.- S.14.