Film yubileylərinə nə qədər xərclənir?
Yusif Şeyxov: "Yubileylərə
pul kino tədbirləri üçün
nəzərdə tutulan
büdcədən xərclənir"
Bu yaxınlarda "Sehrli xalat" filminin 50 illiyi ilə bağlı böyük bir tədbir keçirildi. Belə tədbirlər, onlara xərclənən vəsait isə bəzi söz-söhbətlərə səbəb oldu. Bu səbəbdən "kulis.az" Mədəniyyət və Turizm Nazirliyinin Kinematoqrafiya Şöbəsinin sektor rəhbəri Yusif Şeyxovun məsələyə münasibətini öyrənib.
- Yusif müəllim, filmlərə yubileylərin keçirilməsi nə dərəcədə zəruridir?
- Burada pis nə var
axı? Yubiley keçirmək filmi
xatırlamaq deməkdir,
ona marağı yönəltmək, orda çəkilən aktyorları,
filmi çəkən
rejissoru anmaq, onların yaradıcılığını
gözdən keçirmək
deməkdi. Həm də
bu, yalnız Azərbaycan praktikası deyil, dünyada da belə təcrübə
var.
- Hansı filmlərə yubileylər
keçirilir və bunun üçün prioritetlər nələrdir?
- Mən sizə hansı filmlərin yubileylərində
iştirak etdiyimi desəm, sizə bu prioritetlər aydın olacaq. Mən sadalayım, siz də baxın
ki, hansı kriteriyalar var: "Sehrli xalat", "Əhməd haradadır?", 1945-ci ildə çəkilmiş "Arşın
mal alan" filminin yubileyi və 1986-ci ildə "O olmasın, bu olsun" filminin yubileyində iştirak etmişəm. Yadımda qalanları dedim. Yəni, belə kino
tarixi və mədəniyyətimiz üçün
əhəmiyyət daşıyan
filmlərə yubileylər
keçirilib.
- Bəs bu yubileylərə çəkilən xərclər
hansı büdcədən
qaynaqlanır və neçəyə başa
gəlir? Məsələn, "Sehrli xalat"
filminə yubiley keçirilməsi üçün
nə qədər vəsait xərclənib?
- Yubileylər üçün pul kino tədbirləri keçirilməsi üçün
nəzərdə tutulan
büdcədən xərclənir.
Rəqəmi dəqiq
deyə bilmərəm,
amma nəyə xərcləndiyini deyə
bilərəm: "Sehrli
xalat"da əsas məbləğ filmdə
baş qəhrəmanı
oynayan Azər Qurbanovun ABŞ-dan Bakıya gəlib-getmək
xərcləri idi ki, o da gəlmədiyi
üçün o pul
xərclənmədi, qalan
məbləğ də
Nizami Kinoteatrının
bir seanslıq icarə haqqının ödənilməsinə və
bir neçə çarxın çəkilməsinə
nəzərdə tutulmuşdu.
Yəni,
bir yubileyə formatdan asılı olaraq 700-800 manatdan tutmuş 5-6 min manatadək
xərclənə bilər.
Eləcə də, Film Fondundakı
tədbirlər də.
Film Fondu büdcə təşkilatıdır və
onlara tədbirlərin
keçirilməsi üçün
büdcə nəzərdə
tutulub.
- Bundan sonra hansı filmlərə yubiley keçiriləcək?
- Gələn il bizim kult filmlərimizdən olan "Arşın mal alan"ın 70 iliyi keçiriləcək. Ondan bir il sonra "O olmasın bu olsun" filminin yubileyi keçiriləcək. Mən çox istərdim ki, bu iki filmin yubileyi keçirilsin. Amma bu qərarı mən tək qəbul etmirəm. Bilirsiniz, burada məsələ yalnız kinoda, mədəniyyətdə deyil. Bu iki film bizim üçün, bizim millət üçün daha böyük anlam daşıyır. Mən elə bilirəm ki, bu filmlərin yubileylərini keçirməyə dəyər.
Ekspress.-2014.- 19 noyabr.- S.23.