Azərbaycan rəssamlarının əsərləri Tretyakov Qalereyasında...

"Rəssamlarımızın əsərlərinin xaricdə sərgilərinin keçirilməsi Azərbaycan incəsənətinə verilən müsbət töhfədir"Əfsanə Həbib: "Moskvada, Rusiya Dövlət Tretyakov Qalereyasında "Abşeron ulduzları. 1960-1980-ci illərin Azərbaycan rəssamları" adlı sərgi mədəniyyətimizin dünyaya inteqrasiyası baxımından çox əhəmiyyətlidir"

Xəbər verildiyi kimi, noyabrın 15-də Moskvada, Rusiya Dövlət Tretyakov Qalereyasında "Abşeron ulduzları. 1960-1980-ci illərin Azərbaycan rəssamları" adlı sərgi açılacaq. Bu barədə "Vestnik Kavkaza" agentliyinə qalereyanın baş direktoru Zemfira Trequlova məlumat verib.Onun sözlərinə görə, Rusiya Federasiyası Mədəniyyət Nazirliyinin, Heydər Əliyev Fondunun və Mərcani Fondunun dəstəyi ilə keçiriləcək sərgi Tretyakov qalereyasında, Azərbaycan Milli Muzeyində, şəxsi kolleksiyalarda saxlanan əsərləri bir ekspozisiyada birləşdirəcək.Sərgidə 13 Azərbaycan rəssamının, o cümlədən Nadir Əbdürrəhmanov, Kamal Əhməd, Rasim Babayev, Səttar Bəhlulzadə, Cavad Mircavadov, Toğrul Nərimanbəyov, Tahir Salahovun, habelə heykəltəraş Fazil Nəcəfovun 60-dan çox əsəri nümayiş etdiriləcək.Zemfira Trequlova vurğulayıb ki, Tretyakov Qalereyası sovet dövrü Rusiya rəssamlarının əsərlərinin Bakıda sərgisini keçirməyə hazırdır. O deyib: "Bakı olduqca maraqlı mədəniyyət mərkəzidir. Burada gözəl muzeylər və müasir incəsənət mərkəzləri var. Bakıda çevik incəsənət mühiti hökm sürürbiz məmnuniyyətlə Azərbaycanda sərgi təşkil etmək istərdik".

Tretyakov Qalereyasında Azərbaycan rəssamlarının əsərlərinin nümayiş olunması müsbət addımdır. Belə bir layihənin keçirilməsinin Azərbaycan mədəniyyətinə, incəsənətinə nə kimi təsirlərinin olacağını öyrənmək məqsədilə ölkəmizi beynəlxalq rəsm sərgilərində uğurla təmsil edən gənc rəssam Əfsanə Həbibə müraciət etdik. O, "Bakı-Xəbər"ə açıqlamasında rəssamlara göstərilən qayğıdan məmnun qaldığını dilə gətirdi: "Heydər Əliyev Fondunun prezidenti, Milli Məclisin deputatı, UNESCO və İSESCO-nun xoşməramlı səfiri Mehriban Əliyevanın incəsənətimizə göstərdiyi qayğı göz önündədir. Hesab edirəm ki, görünən dağın bələdçiyə ehtiyacı yoxdur. Muğamımıza, milli musiqi alətlərimizə sahib çıxıb, onu dünyada tanıdıb. Nəinki Mehriban Əliyevanın, onun övladlarının ölkə daxilində və xaricində qatıldığı rəsm sərgilərinin özübu sənətin təbliğatına həsr olunub. Ulu öndərin mədəniyyət və incəsənət xadimlərinə daim dövlət qayğısı göstərilməsi ilə bağlı əsasını qoyduğu ənənəni bu gün Prezident İlham Əliyev və onun xanımı layiqincə yaşadır. Noyabrın 15-də Moskvada, Rusiya Dövlət Tretyakov Qalereyasında "Abşeron ulduzları. 1960-1980-ci illərin Azərbaycan rəssamları" adlı sərgi mədəniyyətimizin dünyaya inteqrasiyası baxımından çox əhəmiyyətli sərgilərdən biri olacaq. Mən xarici ölkələrdə keçirilən Azərbaycan rəssamlarının əsərlərinin sərgisində iştirak etdiyim anları böyük məmnunluq hissi ilə xatırlayıram. Böyük incəsənət arenalarında bizim yerli rəssamlarımızın əsərlərini bəyənir və onlar haqqında xoş sözlər səsləndirirlər. Bizim rəssamlarımız ən xoş sözlərə və tərifə layiqdir".Həmsöhbətimiz rəssamlarımızın əsərlərinin xaricdə sərgilərinin keçirilməsini müsbət hal kimi dəyərləndirir: "Son illər xarici ölkələr tərəfindən Azərbaycan incəsənətinə maraq artmaqdadır. Bu məni bir sənət adamı kimi çox sevindirir. Bizim mədəniyyətimiz dünyanı, həqiqətən, fəth edir. Biz mədəniyyət işçiləri Mehriban xanımın apardığı mədəniyyət siyasətini dəstəkləyir və bu siyasətin xalqımızın xoşbəxt gələcəyə qovuşmasını təmin edəcəyinə inanırıq.

Mədəniyyət siyasi kursda çox önəmli yer tutur. Bu gün, həqiqətən, milli-mənəvi dəyərlərimizə dövlət qayğısı varbu qayğı ildən-ilə artmaqda davam edir. Bu gün dünyanın əksər ölkələrinin paytaxtlarında, böyük şəhərlərində Azərbaycan mədəniyyəti günləri keçirilir. Bu işlərin təşkili bilavasitə ölkəmizin mədəniyyət siyasətini həyata keçirən Mehriban Əliyevanın təşkilatçılığı ilə baş tutur. O həm mədəniyyətimizin sabahını düşünür, həm gənc istedadların üzə çıxarılmasına diqqətlə yanaşır, həm də onların yetişməsi, püxtələşməsi üçün hər cür şərait yaradır. Bu işdə rəssamlara və incəsənət nümayəndələrinə uğurlar arzu edirəm. Rəssamlarımızın beynəlxalq arenalardan xoş sədaları gələndə Azərbaycan vətəndaşı olaraq buna çox sevinirəm".

Qeyd edək ki, Əfsanə Həbibin Parisdə, Moskvada, Türkiyədə, Gürcüstanda və digər ölkələrdə sərgiləri keçirilib. Qatıldığı beynəlxalq rəsm sərgilərində birincilik əldə edib.

Günel CƏLİLOVA

Bakı xəbər.- 2016.- 1 noyabr.- S.14