“Sən də məni tərk edəcəksən?”
...xeyriyyə
layihəsi davam etdiriləcək
“Dövlətdən
nəsə qazanmağa yox, dəstək olmağa
çalışırıq”
Əlillər
və kimsəsiz uşaqlar sosial qayğıya ən çox
ehtiyacı olan təbəqələrdəndir. Dövlətin
və cəmiyyətin bu cür insanlara diqqət ayırması
olduqca vacibdir. “Birliyə Doğru” Əlil və Kimsəsiz
Uşaqlara Qayğı İctimai Birliyinin sədri Zərifə
Quliyeva ilə bu mövzu ətrafında həmsöhbət
olduq.
Öncə qeyd edək ki, bu ictimai birlik uşaq evində və ailədə yaşayan əlil və kimsəsiz uşaqların qayğısına qalmaqla yanaşı, xüsusi diqqətə möhtac olan uşaqların cəmiyyətə adaptasiya olunması, onların psixoloji durumu və tibbi sağlamlağı istiqamətində fəaliyyət göstərir. Birlik üzvləri uşalaqrın psixoloji, sosial, tibbi və digər reabilitasiyalarına yardım edirlər.
Kimsəsiz uşaqlara yardım fondlarının özəl şirkətlər vasitəsi ilə maliyyələşdirildiyini bildirən Zərifə Quliyeva indiyədək 300-ə yaxın uşağın müalicə və əməliyyat edildiyini bildirdi: ““Birliyə Doğru” Əlil və Kimsəsiz Uşaqlara Qayğı İctimai Birliyi 2005-ci ildən rəsmən fəaliyyətə başladı. Ancaq bizim istiqamətimiz artıq 2003-cü ildən etibarən formalaşmışdı. Bir qrup gənc olaraq xeyriyyə məqsədi ilə toplaşmışdıq. Sadəcə onda bizim təcrübəsizliyimiz bir çox addımlarımızda səhvlər etməyimizə gətrib çıxarırdı. Amma intuitiv olaraq işləməyin öz özəlliyi var. Entuziazm üzərində qurulan təşkilat ilk addımlarında daha çox xeyriyyə tədbirləri keçirməklə, əməliyyatlar təşkil etməklə özünə təsəlli tapırdı. Amma mən hər zaman axtırışdaydım. Sanki nəsə çatmırdı. Onda artıq istiqamətim var idi. Amma bilmirdim hara aparacaq...”.
Beləcə xeyli yol qət etdiklərini deyən müsahibimizin sözlərinə görə,
artıq məqsədinə çatıb: “Sadəcə indi çatdığım məqsədi təkmilləşdirmək
zamanıdır. “Birliyə Doğru” Resurs Mərkəzi yaratmaq
bizim məqsədimiz idi
və artıq 1 ildir ki,
o mövcuddur. Hesab edirəm ki, belə mərkəzlər
çox olmalıdır. Buna
ehtiyac var. Mərkəzin
əsas məqsədi zəif sosial təbəqədən
olan uşaqları cəmiyyətə adaptasiya etməkdir. Hal-hazırda mərkəzdə
internatı bitirməkdə olan, yaxud da bitirən, yoxsul ailələrdən olan
və xüsusi qayğıya ehtiyacı olan uşaqlar üçün pulsuz olaraq kompüter, inglis, rus dilləri, abiturient kursları keçirilir.
Eşitməsi zəif olan uşaqlar
üçün surdoloqoped
dərsləri və rəsm kursları keçirilir.
Xüsusi olaraq
qızları qeyd etmək istəyirəm.
Zərif cinsin nümayəndləri üçün tikiş kursu və eşitməsi zəif olan qızlar üçün
əl işləri kursu təşkil edilir. Bunlarla yanaşı
biz balacalarla da işləyirik. Doğrusu
bu hələ çox
geniş şəkildə olmur.
Bu da səbəbsiz deyil. Belə ki, bərpa
otağımız balacadır. Otaqda əlilliyi
olan 5 azyaşlı uşaq
üçün fizioterapiya,
psixoloq məşxələləri və
artterapiya dərsləri keçirmək mümkündür”.
“Uşaq evində bayram keçirmək
əvəzinə...”
Z.Quliyevanın
sözlərinə görə, rəhbərlik etdiyi təşkilatın
nəzdində stilistika kursları da təşkil olunur: “Bu
kurslar indiyədək 10 qızın stilistika peşəsini
öyrənməsinə dəstək olub. Hal-hazırda həmin
qızlardan üçü sərbəst usta olaraq
çalışır. Ümumilikdə Resurs Mərkəzinin
məqsədi adaptasiya etmək, təhsil və ya peşə
vermək və işlə təmin etməkdir. Hesab edirəm
ki, hər bir xeyriyyə qurumun məqsədi bu
olmalıdır. Onlar bilməlidirlər ki, həyat mübarizədir
və bacarığı olanın əziyyəti yerdə
qalmayacaq. Mütəmadi olaraq biz stimullaşdırmaq
üçün müxtəlif treninqlər keçiririk. Və
uğurlu insanları qonaq dəvət edirik. Dəvətlilər
keçdikləri həyat və iş yollarından, çətinliklərindən
söz açırlar. Və sonra da nail olduqlarını
göstərirlər. Bu çox gözəl effekt verir.
Gerçəklər isə ondan ibarətdir ki, nə problem
yaranırsa, günah özümüzdədir, biganəliyimizdədir.
Buna yol verməmək üçün isə, gedib uşaq
evində bayram etmək, uşağın gözlərinə
yazıq-yazıq baxmaq yox, iş görmək lazımdır.
Uzun müddətli və faydalı iş”.
Həmsöhbətimiz
bəzi insanların uşaq evlərindəki əyləncəli
tədbirlərinin, yaxud ərzaq yardımlı aksiyaların
çox pis nəticə verdiyini qeyd etdi: “Bu qurumlar, təşkilatlar
yalnız vəziyyəti korlayırlar və peşakar iş
qurmağa mane olurlar. Mən neft şirkətlərinin gedib
borularını təmizləmirəm. Çünki
başım çıxmır bu işdən. Niyə bu
qurumlar əllərinə torbalar alıb uşaq evlərinə
gedirlər? Məqsəd nəsə dəyişməkdirsə,
niyyət safdırsa, bunu peşəkar şəkildə etmək
lazımdır. Xeyriyyə peşədir və bu peşənin
peşəkarları var. Demirəm ki, gətrin verin bizə,
biz edək. Bu gərək deyil, sadəcə heç olmasa məsləhət
alın. Sizin neft işləriniz necə ciddidirsə, bizim
xeyriyyə işlərimiz də o qədər ciddidir. Hər
şeyi hazır alan uşağın heç vaxt oxumaq,
qazanmaq kimi bir əzmi olmaz”.
“O uşaqların bütün
problemlərindən agahıq”
Z.Quliyevanın
dediyinə görə, qeyri-hökumət təşkilatı
olaraq əlil və kimsəsiz uşaqların sosial problemlərini
öyrənsələr də, onların həlli
üçün əlaqədar dövlət orqanları
qarşısında məsələlər
qaldırmayıblar: “Biz əlil və kimsəsiz
uşaqların bütün problemlərini bilirik. Ona görə
ki, buna təcrübəmiz imkan verir. Və bacardığımız
qədər o məsələlərlə məşğul
olmağa çalışırıq. Amma o ki qaldı
aidiyyatı dövlət orqanlarının
qarşısında bu məsələlərin
qaldırılmasına, xeyr qaldırmamışıq və gələcəkdə
qaldırmayacağıq da. Mənim bildiyimə görə,
aidiyyatı dövlət orqanlarının özləri bu sahədə
hansısa işlər görür. Ancaq biz balaca qurumuq, məqsədimiz
isə saadəcə başımızı aşağı
salıb öz çevrəmizə dəstək olmaqdır.
Formallıq və iclaslar heç sevmədiyim prosedurdur. Buna
görə də heç bir iclasa getmirəm. Alyanslara uzun
müddət üzv olmuşam. Amma hal-hazırda qlobal işi kənara
qoyub, real işlə məşğul olmağı
üstün tuturam. Mən orada hansısa bir sənədlə
məşğul olan zaman real insan həyatı kölgədə
qalar”.
Müsahibimiz
bildirir ki, təşkilat olaraq əlil və kimsəsiz
uşaqların hüquqlarının həyata keçirilməsini
təmin etmək və onların pozulmasının
qarşısının alınmasında da iştirak edirlər:
“Daha çox maarifləndirici aksiyalar və tədbirlərlə
bu prosesdə iştirak edirik. Amma onu deyim ki, qarnı ac olan
uşağa hansı hüquqlarından danışa bilərəm,
yaxud qucağı uşaqlı imkansız hansı qıza pis
yola getmə deyə bilərəm? Mənim buna haqqım
yoxdur. Ya real dəstək olmalıyam - iş tapmalı,
hansısa sığınacaq tapmalı və s., ya da sakit
oturub seyr etməliyəm. Boş-boş hüquq-hüquq deməklə
nə cib nə mədə dolu olmur”.
“İnternat məktəblərinə
gediş-gəliş çətinləşib”
QHT rəhbəri qeyd etdu ki, əlil və kimsəsiz uşaqların peşələrə yiyələnməsi və ixtisaslarının artırılması məqsədi ilə layihələr hazırlayıblar: “Əlaqədar təşkilatlarla birgə tədbirlərimiz olur. “Birliyə Doğru” Resurs Mərkəzi yaranandan bəri əməkdaşlıq etdiyimiz kifayət qədər təşkilatlar var, əksəri də gənclər təşkilatlarıdır. Çünki bu qurumlarda olan gənclər potensial könüllülərdir və məmuniyyətlə öz sevgilərini, biliklərini paylaşırlar. Bu sektorda olan QHT-lərin heç biri ilə əməkdaşlıq etmirik, sadəcə münasibət saxlayırıq. Tək-tək təşkilatlar var ki, onlarla sıx əməkdaşlığımız var. Dövlət qurumlarına gələndə isə, son zamanlar internat məktəblərinə gediş-gəlişi zorlaşdırıblar. Bu isə bizə çox mane olur. Bununla bağlı bir neçə dəfə müraciətlərimiz olub. Amma əfsuslar olsun ki uzun müddətli layihələrə internatda təhsil alan uşaqları cəlb etmək çox cətin olub. Bu da hər zaman uşağın təhlükəsizliyi və məktəblərdə həmin təhsilin verilməsi ilə izah olunur. Əgər belədirsə, niyə internatı bitirən uşaqların çox az faizi ali təhsil və ya texniki təhsil ala bilir?”.
Onun sözlərinə
görə, rəhbərlik etdiyi təşkilata
daxil olan ərizə
və şikayətlərə baxmaq və
qanunvericiliklə müəyyən edilmiş
qaydada tədbirlər görmək
imkanları var: “Bizə edilən şikayətlərə
baxır və bacardığımız qədər dəstək
veririk. Bu da sırf təşkilatın resursu,
üzvlərin dəstəyi və özəl strukturların
hesabına gerçəkləşir. Çox
nadir hallarda
aidiyyatı qurumlara müraciət edirik. Məktublar ilişir
qalır və ya cavab
gəlir ki, “məktuba baxıldı, icazə
veririk, gedin filan uşağı əməliyyat edin”.Yəni,
sadəcə icazə verirlər. İnanın ona
da sevinirik”.
“Dövlətdən
nəsə istəmirik”
İctimai
birlik sədri işləmək istəyən hər kəs
üçün ölkədə şərait olduğunu
bildirdi: “Şəxsən bizim aksiyalar hər zaman dəstəklənir
və çox yaxşı qəbul edilir. Çünki hər zaman şəfaflığımızı
qoruyuruq. İşlərimiz də göz qarşısındadır. Sadəcə
işləmək lazımdır və hər kəs öz işini görməlidir.
Onda hər şey
yerində olacaq. O ki,
qaldı “imkan vermirlər işləməyə”
deyənlərə, onlar özləri
işləmək istəmirlər. Biz 3 il ofissiz
çalışdıq, kafelərdə, parklarda
işlərimizi aparırdıq. Dizimizin
üstündə məktub yazırdıq, ondan-bundan
otaq istəyirdik. İndi
isə 2 mərtəbəli resurs mərkəzimiz
var. Könüllü
ordumuz və məqsədli gələcəyimiz
var. Biz dövlətdən
heç nə istəmirik, zatən QHT-lər
istəmək üçün yox, dəstək olmaq üçün yaranıblar. Tərsinə
düşünənin QHT sektorunda işi yoxdur”.
Görülən
işlər
İnternetdə “Birliyə Doğru” Əlil və Kimsəsiz Uşaqlara Qayğı İctimai Birliyinin gördüyü işlərlə maraqlandıq. Bunlardan biri kimi əlil və kimsəsiz uşaqların əl işlərindən ibarət sərginin təşkil olunduğunu öyrəndik. Sərginin adı “Onlar bizim üçün çəkiblər”dir. Belə ki, nitq qüsuru olan istedadlı uşaqların rəsm əsərlərinin sərgisi təşkil edilib. Bu sərgidə, E.Mirzəyev adına Nitq Qüsurlu Uşaqların Respublika Məktəbinin şagirdlərinin rəsm əsərləri nümayiş etdirilib.
İctimai Birlik Azərbaycanda “Sən də məni tərk edəcəksən?” xeyriyyə layihəsini də yenidən davam etdirəcək. Layihə “Birliyə Doğru” Əlil və Kimsəsiz Uşaqlara Qayğı İctimai Birliyinin təşəbbüsü ilə “Səyyar Tibbi Reabilitasiya” adı altında baş tutacaq. Layihənin əsas məqsədi əlil və kimsəsiz uşaqların tibbi problemlərini həll etməklə, sağlam gəncliyin cəmiyyətimizin sağlam gələcəyini qurmasına şərait yaratmaq olub. Məqsədə nail olmaq üçün internat məktəbində yaşayan kimsəsiz uşaqların tibbi müayinəsi həyata keçirilib.
Layihəyə ilkin olaraq Saray qəsəbəsindəki 7 saylı internat məktəbində, Şağan qəsəbəsindəki 3 saylı internat məktəbində, Ramana qəsəbəsindəki gənc əlillər evində, Buzovnadakı 13 saylı internat məktəbində olan kimsəsiz və xüsusi qayğıya ehtiyacı olan uşaqlar cəlb olunub. Bununla yanaşı, layihə çərçivəsində yuxarıda adı çəkilən bütün müəssisələrdə cinsi və reproduktiv sağlamlıq haqqında təlimlər keçirilib. Bununla onların şəxsi gigiyena, sağlam qidalanma, cinsi yolla yoluxan xəstəliklər, ailə planlaşdırılması barədə məlumatsızlığı aradan qaldırılıb.
Ramid
Bizim Yol.-2013.- 4
aprel.-S.13.