Azərbaycan

Torpağının sərvəti var,

Tanrımızın neməti var,

Səndə pələng qüdrəti var —

Fəxr edirik səninlə, hər an,

Azərbaycan, Azərbaycan!

Düşmənin bağrı qandır,

Oğulların qəhrəmandır,

Hər el sənə gülüş tandır,

Aləm olub sənə heyran —

Azərbaycan, Azərbaycan!

Al-əlvandır çölün, düzün,

Hər fəsildə gülür üzün,

Uca dağlar düzüm-düzüm,

Yamaclarda süzür ceyran —

Azərbaycan, Azərbaycan!

Öpüb üçrəng bayrağını,

Qoruyarıq torpağını,

Ram etməkçün sol-sağını

Can verərik sənə qurban —

Azərbaycan, Azərbaycan!

İrmaşlı – Ata Yurdum

Ata yurdum – cənnətimdir, hər qarışın,

Adın müammalı, sirli sehirdir,

Torpağın – qızıldır, lalədir,

Qədərlə ölçülməz qiymətin, İrmaşlım!

Aləm gözəlliyə qalibdirsə əgər,

İki gözəl var: biri dağ, biri də düzən.

Sənin qoynunda yetilib neçə qəhrəman,

Dillərdə dastandır adı İrmaşlının.

Yazıb Yaradan neçə şairi,

İtməz sənət qoyublar yadigar,

Namaz Baytaroğlu açıb sirri,

Hələ çox xəzinən var, İrmaşlım!

Tarixdir bir kiçik daşın belə,

Əyilməz tufana, yelə.

Qiyabi öyrənsəm də hələ —

Köksündə cənnət var, İrmaşlım!

Cənnətin özüdür, bəlkə də bura,

Axır bulaqlar kölgədə dura,

Vətəndən uzaqda neçə ölkədə

Şan-şöhrətin ucalır, İrmaşlım!

Eşit sözlərimi, ey el, oba —

Turala doğmadır bu el, bu oba.

Dönəcəm, gəl desə nəsil-əqrəba,

Gözümün həsrəti var İrmaşlının!

Tural İsgəndərov

Cümhuriyət .- 2025.- 9-16 may(№16).- S.14.

16.06.2008