Rəsul Rza - 100
Bakı Dövlət
Universiteti
Mayın 18-də Bakı
Dövlət Universiteti
filologiya fakültəsinin
Səməd Vurğun
adına Poeziya ocağında Rəsul Rzanın 100 illiyinə həsr olunmuş tədbir keçirildi. Tədbiri giriş sözü
ilə açan universitetin professoru Tofiq Hüseynoğlu Rəsul Rzanın həyat və yaradıcılığı haqqında
danışdı. Bildirdi ki,
vətənpərvərlik mövzusu Rəsul Rza yaradıcılığının
əsas tərkib hissələrindəndir. Sonra
professor İfrat Əliyeva
"Rəsul Rzanın
yaradıcılığı" mövzusunda məruzə etdi: "Müasir Azərbaycan şerinin ilk yaradıcılarından biri
olan, müstəqil, poetik istiqamətin formalaşmasında ardıcıl,
sistemli, inadkar axtarış aparan, fikrin, mənanın dərinliyi uğrunda fəal mübarizlərdən
biri də xalq şairi Rəsul Rza idi. O, poeziyada yeni sənət və yaradıcılıq
axtarışlarının təzəcə başladığı
və qızğın,
mürəkkəb, kəskin
bir şəkil aldığı vaxtda gəlmişdir, yarım əsrdən çox bir müddətdə yazıb-yaratmış, poeziyada
axtarışlar və
eksprimentlər apararaq
yeni tipli tamamilə müasir, novator poeziyasını yaratmışdır".
Tədbirdə filologiya
fakültəsinin dekanı,
professor Elbrus Əzizov
"Rəsul Rza yaradıcılığında vətənpərvərlik ideyalarının
ifadəsi" mövzusunda
məruzə ilə çıxış edərək
dedi: "Azərbaycan
poeziyası tarixinə
novator bir şair kimi daxil olan Rəsul
Rzanın ideya, məzmun və forma baxımından çox zəngin yaradıcılığında
bir xətt xalqın milli vətənpərvərlik duyğularının,
bir şair kimi özünün vətəndaşlıq mövqeyinin
ifadəsi yaradıcılığının
ilk çağlarından sonunadək
davam etmişdir.
O, vətənpərvərlik
ideyalarını ifadə
etmək üçün
müxtəlif üsullardan
istifadə etmiş, öz fikirlərini bəzən açıq bir şəkildə, bəzən isə müxtəlif poetik vasitələrlə dolayı
yolla oxucuya çatdırmışdır. Vətənə, topağa, xalqa
bağlılıq ideyası
şairin 1935-ci ildə
yazdığı "Çinar"
şerində parlaq bir şəkildə əks olunmuşdur. Qocaman çinarın torpağa möhkəm bağlılığını,
əyilməzliyini, məğrurluğunu
təsirli bir formada qələmə almışdır".
Tədbirdə universitetin professorlarından
Tofiq Hacıyev və Abdulla Abbasov çıxış
etdilər. Sonunda universitetin tələbələri
Nuray Xıdırova, Aygün Əliyeva və Elşad Əliyev Rəsul Rzanın şeirlərini söylədilər.
Kəramət Böyükçöl
Ədəbiyyat qəzeti.- 2010.- 11 iyun.- S.3.