C.Cabbarlının ev muzeyində

 

Görkəmli ədibin ev muzeyində tədqiqatçı-alim Asif Rüstəmlinin "Cəfər Cabbarlı: Həyatı mühiti" kitabının təqdimat mərasimi keçirilmişdir. Cəfər Cabbarlının 110 illik yubileyinin tədbirləri silsiləsinə daxil olan yığıncağı dramaturqun qızı, ev muzeyin direktoru Gülarə Cabbarlı açaraq Asif Rüstəmlinin böyük sənətkarın həyat yaradıcılığına dair yeni faktları üzə çıxarmaq sahəsindəki əzmini, axtarışlarını yüksək dəyərləndirmişdir.

Məclisin aparıcısı Qəzənfər Paşayev tədqiqatçının müxtəlif illərdə nəşr olunan "Çırpınırdı Qara dəniz", "Tufanlardan keçən ömür", "Susmaz duyğuların səltənətində", "Ədəbi istiqlalımız" kimi dəyərli kitabları, məclis iştirakçılarının diqqətinə çatdırmışdır. Kitabın elmi redaktoru akademik Bəkir Nəbiyev isə çıxışında bu əsərin indiyədək həmin mövzu ətrafında yazılan digər tədqiqatlardan fərqini nəzərə çarpdırmışdır. O qeyd etmişdir ki, A.Rüstəmli Cabbarlıya dair araşdırmalarında bu sahədə özünü büruzə verən əksər qaranlıq, kölgəli mətləblərə, mübahisəli məqamlara tam aydınlıq gətirməyə çalışır buna nail olur.

Yığıncaqda filologiya elmləri doktoru, professor Vaqif Arzumanlı, Azərbaycan Dövlət Mədəniyyət İncəsənət Universitetinin kafedra müdiri Gülşən Əliyeva, sənətşünaslıq fakültəsinin dekanı Vəfa Xanoğlan, professor Əzizağa Quliyev, "Xalq qəzeti"nin baş redaktor müavini Tahir Aydınoğlu, şair Oqtay Rza, əməkdar artist Eyyub Yaqubov, Salman Mümtaz adına Azərbaycan Dövlət Ədəbiyyat İncəsənət Arxivinin direktoru Maarif Teymur, "Zirvə" Ziyalılar İctimai Birliyinin sədri Minayə Dəyanətqızı b. çıxış edərək tədqiqatın əhəmiyyətindən, Cəfər Cabbarlının Azərbaycan dramaturgiyasının teatrının inkişafı sahəsindəki xidmətlərindən s. məsələlərdən söhbət açmışlar.

Məclisin sonunda Asif Rüstəmli tədbirin təşkilatçılarına, məclisə toplaşanlara təşəkkürünü bildirmişdir. O, Cəfər Cabbarlının onun ədəbi irsinin Azərbaycan ədəbiyyatının, mədəniyyətinin, incəsənətinin təkamülündə, mənəvi dəyərlərimizin zənginləşməsində, milli şüurun təşəkkülündə, vətənpərvərlik duyğularının oyanmasında, azadlıq istiqlal məfkurəsinin formalaşmasında göstərdiyi xidmətlərdən danışmışdır. Bildirmişdir ki, bu sahədəki araşdırmalarını, tədqiqatlarını yenə davam etdirəcək elmə məlum olmayan sənədləri üzə çıxaracaqdır.

"Elm" nəşriyyatında çap olunmuş "Cəfər Cabbarlı: Həyatı mühiti" adlı kitaba filologiya elmləri doktorları İslam Ağayev Nazif Qəhrəmanlı rəy vermişlər.

 

 

A.İsmayıloğlu

 

Ədəbiyyat qəzeti.-2010.-8 yanvar.-S.3.