Əzizim Aqşin müəllim!

Sizi anadan olmanızın 75 və ədəbi fəaliyyətinizin 50 illiyi münasibətilə səmimi qəlbdən təbrik edir, möhkəm cansağlığı, uzun ömür və yeni-yeni yaradıcılıq uğurları arzulayıram.

Respublikamızın ədəbi ictimaiyyəti sizi həm məhsuldar nasir, dramaturq, publisist, tərcüməçi, həm də mahir pedaqoq kimi yaxşı tanıyır və qiymətləndirir.

Hələ tələbəlik illərində qələmə aldığınız "Azadlıq uğrunda" adlı ilk hekayənizin ayağı uğurlu olmuş və indiyədək otuz beşə yaxın maraqlı kitabınız işıq üzü görmüş, neçə-neçə pyesiniz səhnə, ekran və efir təcəssümü tapmışdır.

Sidq ürəklə vurğulamaq yerinə düşər deyim ki, siz öz sadəliyiniz, təvazökarlığınız, təmənnasızlığınızla şəxsiyyəti ilə yaradıcılığı üst-üstə düşən görkəmli ədiblərimizdən birisiniz.

Əzizim Aqşin!

Sizin çağdaş ədəbiyyatımıza bundan sonra da dəyərli ədəbi töhfələr verəcəyinizə ürəkdən əminəm.

Sizin

Hidayət Orucov

Ədəbiyyat qəzeti.- 2011.- 25 noyabr.-S.4.