Beşik həvəsinə düşmə

...Torpaq da bir evdir. Sən ev-

Esik həvəsinə düşmə.

Söyüd bar vermir, əzizim,

Beşik həvəsinə düşmə.

Çörəyin urvatı da, bil,

Torpaqdan dənə qədərdi.

Dünya bəzən məndən sənə,

Adəmdən mənə qədərdi.

Xoş gün də əzab kimidi,

Gah olur, gah da olmur ki.

Hərə bir səmtə üz tutub,

Hamı Allahda olmur ki...

Ağıla möhtac dəlylyk,

Vaxtdır, sən məni tanı, qız!

"Vağzalı" havası gəlir,

Duvağın düşüb, hanı, qız?

Sənə yazdığım şeir

...Tək, ruhumdu yaşıdı...

Bəlkə dürdü, qayədi;

Bəlkə namaz daşıdı,

Bəlkə də bir ayədi,

Sənə yazdığım şeir?!

Üstündədi qızlığı...

Əzrayılın ahıdı...

Adəmin yalqızlığı,

Həvvanın günahıdı

Sənə yazdığım şeir.

Demə, Hikmət naşısa...

Bəlkə torpaqdı, gildi...

Bir əlcə başdaşısa,

Bir əlcə boz şəkildi

Sənə yazdığım şeir.

Hikmət Məlikzadə

Ədəbiyyat qəzeti.- 2017.- 28 oktyabr.- S.29.