QARMAQARIŞIQ

Əli Ayşəni sevirdi,

Amma

Ayşənin gözü-könlü

Süllülərdən Gilas Həsəndə idi,

Gilas Həsən isə

Təkə bəyin

naz-naz qızı

Güllüyə bənd olmuşdu.

Güllü də

Əlidən ötrü

dəli-divanə idi.

Əli də inad,

Ayşə də inad.

Gilas Həsən də inad,

Güllü də inad...

Sormayın

nə oldu

bu işin axırı?

Ah, qara sevda,

Ah, qara sevda...

Bir gündə

bir kənddən

dörd ölü çıxdı...

Ah, qara sevda,

Ah, qara sevda...

Atalay DƏMİROĞLU

Hazırladı: Dilsuz

Ədəbiyyat qəzeti.- 2017.- 16 sentyabr.- S.17.