Con Çiardi (ABŞ)

Şlyapasız adam

Yol ayrıcından keçib,

Yeriyirdim aramla.

Bir adamla qarşılaşdım,

Qəribə bir adamla.

Gördüm qısıb boynunu,

Şlyapası da yoxdu.

Dedim:

- Niyə başaçıq...

Hava ki, bərk soyuqdu?!

- Şlyapanı neylirəm?

- Niyə, axı, qardaşım?!

- Görmürsən, çiynim üstə

Mənim heç yoxdur başım!

- Niyə yoxdur, nə üçün,

Necə olub bu, necə?

O, qəmli-qəmli dindi:

- Dostum, axı mən gicəm!

Tərcümə edən: Qəşəm İsabəyli

Ədəbiyyat qəzeti.- 2018.- 7 iyul.- S.29.