"Səmərqənd Poeziya Axşamları"

Türkdilli Gənclər Konfransı başa çatdı

Özbəkistanın tarixi və qədim mədəniyyət mərkəzlərindən olan Səmərqənd şəhərində "Səmərqənd Poeziya Axşamları" Türkdilli Gənclər Konfransı baş tutub.

Azərbaycanı tədbirdə Dünya Gənc Türk Yazarlar Birliyinin (DGTYB) və Azərbaycan Yazıçılar Birliyinin üzvləri- İntiqam Yaşar və Tural Turan təmsil edib.

İştirakçılar üç gün ərzində qardaş ölkənin ədəbiyyat sahəsində son bir ildə gördüyü işlərlə tanış olublar.Özbəkistan Yazıçılar Birliyində konfrans iştirakçıları və Özbəkistanın gənc şairləri ilə görüş təşkil edilib.

İştirakçılar Səmərqəndlə yanaşı, paytaxt Daşkəndin gəzməli-görməli yerlərini, tarixi abidələrini ziyarət etmək imkanı əldə ediblər.Konfrans nümayəndələri İmam Buxari türbəsi, Əmir Teymurun Məqbərəsi, Registan kompleksi ilə tanışlığın onların yaradıcılığında yeni Özbəkistan səhifəsi açdığını söyləyiblər

“Səmərqənd Poeziya Axşamları” Türkdilli Gənclər Konfransı özbək memarlığının incisi sayılan Registanda baş tutub.

Tədbirdən sonra Daşkənddə Özbəkistan Yazıçılar Birliyini ziyarət edən konfrans nümayəndələri burada bir il ərzində görülən işlərlə tanış olublar.

Ədəbiyyat qəzeti.- 2018.- 24 noyabr.- S.29.