Okan NAR

Nə sitəmlər gördük!

Amma

başımız əyilmədi,

əyilməyəcək!

Nə sitəmlər gördük -

atam,

anam,

qardaşım,

bacım,

ölkəm,

xalqım...

Amma

başımız əyilmədi,

əyilməyəcək!

Ürəyimdə - od-alov

gözlərimdə - Qızıl Alma,

yüyürürəm durmadan,

yüyürürəm yorulmadan...

Qırıram

qolumdakı bütün zəncirləri!

Əllərim

qan içində,

ovuclarımda - Qızıl Alma -

yüyürürəm durmadan,

yüyürürəm yorulmadan,

Qızıl Günəş batmadan

bir yetişsəm mənzil başına,

bir yetişsəm mənzil başına!..

Tərcümə etdi: Dilsuz

Ədəbiyyat qəzeti.- 2018.- 15 sentyabr.- S.15.