Şair Babulla “Beynəlxalq Mahmud

Kaşqari mükafatı” ilə təltif edilib

Mahmud Kaşqari adına Beynəlxalq Fond tanınmış şair - publisist Babullanı (Səlimov Babulla Qulu oğlu) “Beynəlxalq Mahmud Kaşqari mükatı ilə təltif edib.

Azərbaycan Yazıçılar Birliyinin Bədii tərcümə və Ədəbi əlaqələr Mərkəzində keçiçirilən tədbirdə mükafatı təqdim edən Fondun qurucu başqanı Elxan Zal Qaraxanlı bildirdi ki, “şair Babulla bir yaradıcı insan, vicdanlı məmur və böyük inanc sahibi kimi həmişə xalqımızın xidmətində durub, öz yazıları və əməlləri ilə türk-islam ənənələrini yaşatmağa çalışıb. Onun rəhbərli altında Əli Bayramlıda (indiki Şirvan) ücaldılan, türklüyün mənəvi simvolu sayılan “Dədə Qorqud” abidə kompleksi ölkəmizdə bir ilk olmaqla bərabər, digər məmurlarımız üçün də bir örnəkdir. Şah İsmayıl müridlərinin nəslindən olan Babulla müəllim, bu günlərdə nəşr etdirdiyi “Sonam” kitabında milli – adət ənənələrimizi ən gözəl boyalarla təsvir edib. Bu kitabı oxuyanda anlayırıq ki, bu mənəvi çöküş zamanında dünya elə də ümidsiz deyil. Nə qədər türk əxlaqı var, sevgi də var olacaq. Bu kitab çağdaş türklüyün məhəbbət dastanıdır. Millətə xidmət titulla deyil, istedadla olur, vicdanlı çalışma ilə olur”. Mərasim iştirakçıları- şair Ramiz Məmmədzadə, Yazıçı Məqsəd Nur, şair Yavuz Cəlil, Bədii tərcümə və Ədəbi əlaqələr Mərkəzinin sədri Səlim Babulla oğlu, Fondun icraçı direktoru Əfqan Nəsirli şair Babullanın istər bir yaradıcı insan, istər bir dövlət adamı kimi mədəniyyətimizə verdiyi tövhələrdən bəhs ediblər.

“Beynəlxalq Mahmud Kaşqari Mükafatı” 2006-cı ildən Mükafat Komissiyası (Törə Ocağı) tərəfindən verilir. Mükafat Komissiyasının sədri görkəmli Qazax yazıçısı akademik Sabit Dosanovdur. 2019-cu ildə mükafat şair Babulladan başqa Qazaxstan Yazıçılar Birliyinin sədri Uluqbek Esdoulete və Qırğızıstanın xalq şairi Mark Abay Aamatova da təqdim edilib

Ədəbiyyat qəzeti.- 2019.- 2 fevral.- S.29.