Mustafa Qıpçaq

 

Mustafa uşaqlıqdan rəsm çəkməyə həvəsli olduğundan onu elə orta məktəbdə oxuyan vaxtlardan dərs almaq üçün peşəkar rəssam yanına göndərirdim. Sonralar o, Bakı Texnologiya İdarəetmə Kollecində təhsil alarkən rəssamlığını daha da təkmilləşdirdi. Mustafa həm maraqlı şeirlər yazır. Şeir deyəndə ki, hərdən öz hisslərini sapa düzməyə çalışır. Bəzən yazdıqlarını utana-utana mənə göstərir, mən həmişə ona şeirdən qaçmağı məsləhət görürəm.

Mustafa hazırda əsgərlikdədi. Bu ilin aprelində ongünlük məzuniyyətə gəlmişdi. Mənə əsgərlikdə yazdığı bir neçə şeirini  oxudu. Bu dəfə onun yazdıqlarını çox bəyəndim.

Həm bu arada yağlı karandaşlarla iki tanınmış şəxsin portretini çəkdi, onlardan biri xalq yazıçısı Anar idi. Mustafa arzuladığı kimi, portreti Anar müəllimə şəxsən özü təqdim elədi sevdiyi yazıçı ilə tanış olmaq fürsəti qazandı.

Bütün bunlarla bərabər, Mustafa həm maraqlı karikaturalar müəllifidi. Onun şeirlərini, br neçə karikaturasını Anar müəllimlə şəklini "Ədəbiyyat qəzeti"nin oxucularına təqdim edirəm.  

 

Murad Köhnəqala

 

Ədəbiyyat qəzeti.- 2019.- 6 iyul.- S.30.