Mədəniyyət Nazirliyinin dəstəyi

ilə yeni kitab işıq üzü görüb

Edebiyyatqazeti.az xəbər verir ki, Əməkdar incəsənət xadimi, görkəmli nasir və şair Vidadi Babanlının iki cilddən ibarət “Seçilmiş əsərləri” Mədəniyyət Nazirliyinin dəstəyi ilə “Şərq-Qərb” nəşriyyatında nəfis şəkildə çap edilib.

Nazirlikdən bildirilib ki, kitabın birinci cildində yazıçının əlli ilə yaxındır sevilə-sevilə oxunan “Vicdan susanda” romanı, həmçinin “Həyat bizi sınayır” və “Ana intiqamı” povestləri, ikinci cildində isə “Müqəddəs ocaq”, “Ömürlük əzab” romanları və “Mənim gizlinlərim” memuarı daxil edilib.

Kitab geniş oxucu kütləsi üçün nəzərdə tutulub.

Ədəbiyyat qəzeti.- 2019.- 19 yanvar.- S.13.