Baxdım Aylı göylərə, Göylər çiçək açıb, nə?

 

Salam

 

Yenə ilk salam,

 

Kədərdən oldu.

 

Sevinc gəzirdim,

 

Gözlərim doldu.

 

 

 

Kədərlə mənim,

 

Haqq, salamım var.

 

Nisgili sevib,

 

Oxşamağım var.

 

 

 

Çox oldu qəmlə,

 

Yoldaş olduğum.

 

Onla dərdləşib,

 

Sirdaş olduğum.

 

 

 

Göz üstə tutdum,

 

Qəlbim ovutdum.

 

Vəfasız oldum,

 

Sevdim, unutdum.

 

 

 

Düşüncələr

 

Yağış yağır şıdırğı,

 

Tut ucundan göyə çıx.

 

İnad edir taleyim,

 

İstəyirsən, göyə çıx!

 

 

 

Ətəkdən uzun əlim,

 

Yenə səcdənə gəldim.

 

Dikilibdir ümidlə,

 

Yenə "O"na gözlərim.

 

 

 

Dərdləşirəm yenə ,

 

Sənsiz, sənlə hələ .

 

Yenə dilimdə dua,

 

Yenə üzüm göylərə.

 

 

 

Külləmi oynayırsan

 

Mənə gülüm deyənim,

 

Gülləmi, oynayırsan?

 

Mən yanıb kül olmuşam

 

Külləmi, oynayırsan?

 

 

 

Bir gül idim, solmuşam,

 

Şaxta vurub, donmuşam.

 

Əl vursan, töküləcəm,

 

Paramparça olmuşam.

 

 

 

Külümə od vurub,

 

Yandırmaq istəyirsən?

 

Dəyişmədin donunu,

 

Sən əvvəldən beləsən.

 

 

 

sevgi var, istək.

 

Yadımdan çıxıb gülmək.

 

Kim dözər dərdə məntək,

 

Dərdləmi oynayırsan

 

 

 

Sona çatır deyəsən,

 

Bu dünyaya səfərim.

 

Çatacaq sənə nəsə...

 

Gileyim, lənətlərim.

 

 

Bu gecə

 

Bu gecə intizarın,

 

Yuxumu gözdən aldı.

 

Baxışlarım dikildi.

 

Pəncərənizdə qaldı.

 

 

 

Baxdım Aylı göylərə,

 

Göylər çiçək açıb, ?

 

Bir sifariş yolladım,

 

Ulduzlardan, dedi, ?

 

 

 

Yenə gülümsəyir Ay,

 

Yada düşür, ötən yay.

 

Yenə ulduz axdı, ay...

 

Mən ölsəm, bir denən, vay!!

 

 

 

Bir Ay ömrü yaşadım mən

 

Bir Ay ömrü yaşadım mən.

 

Bir üzü şən, bir üzü qəm.

 

Yandım-yandım, illərlə mən.

 

İsinmədim, oduma mən.

 

Bu bir yönüm, lap görünən.

 

Nələr görünməyən, bilsən...

 

 

 

Bir çay ömrü yaşadım mən.

 

Bulandım mən duruldum mən.

 

Axdım-axdım, sonum, hanı?

 

Deyəsən, lap yoruldum mən.

 

Su içdim, göz yaşı kimi,

 

Keçdi ömrüm bir su kimi.

 

 

 

Bir dağ ömrü yaşadım mən.

 

Dağ dözümlü, əzəmətli.

 

Qəm geyindim dağa bənzər.

 

Baxan dedi, a bəxtəvər.

 

Görünürsən şahanə.

 

Donun gözəl, gözəl.

 

 

 

Bir yel ömrü yaşadım mən.

 

Sovruldum göyə samantək.

 

Küləyə bənzər yar sevdim.

 

Bu sevgiyə oldu hədər.

 

Bumu yazı, bumu qədər?

 

Qəmi verdin, dağlar qədər.

 

 

 

Bulaq ömrü yaşadım mən.

 

Səssiz-səssiz axdım, yandım.

 

Kədərimi, nisgilimi, ələmimi,

 

Həsrət ilə sularına pıçıldadım.

 

Nələr çəkdi, nələr başım?

 

Axar su oldu, sirdaşım.

 

 

 

Səhra ömrü yaşadım mən.

 

Yandı susuzluqdan bağrım.

 

Gah ürəyim vurmadı heç,

 

Handan-gendən, oldu gec-gec.

 

Könlüm oldu qabar-qabar,

 

Qəlbim, qəmdən cadar-cadar.

 

 

 

Ağac ömrü yaşadım mən.

 

Görünüş, şahanə görkəm.

 

Yarpaqladım dərd əlindən.

 

Əyilmədim bir kəsə mən.

 

Ağzı dualı, şamantək.

 

Dayandım, üzü göyə mən.

 

 

Ay od, Ulduz pərvanə

 

Bir bəndə var göyün altda,

 

Gözləri göyə dikilib.

 

Yaxası açılıb göyün,

 

Ulduzlar yerə tökülüb.

 

 

 

Bu gecə göy yanır, ?

 

Ay od, Ulduz pərvanə.

 

Ay söz verib dünən mənə,

 

Bu gün unudubmu, ?

 

 

 

Yuxum qaçıb gözümdən,

 

Ayla söhbət edirəm.

 

Sevdiyim Aya dönüb,

 

Göyə çıxıb, görəsən?

 

 

 

Ay göz vurur, gülümsəyir.

 

Danışıram, o dinləyir.

 

Arxadan biri səsləyir;

 

Bu Ayda , görmüsən?

 

 

 

Yenə

 

Yığıb-yığışdırdım

 

ümidlərimi

 

aldım əlimə.

 

Gözümdəki sən adlı yaş

 

yuvarlanıb

 

töküldü üzərinə.

 

Hıçqırdı için-için

 

Qoşuldu

 

ürəyim gözlərimə,

 

Kim dəymişdi, ürəyimə?

 

Bu ilk deyildi ki,

 

son olacaqdı.

 

Sənsiz qalmış gözlərim

 

hələ çox dolacaqdı.

 

Milyonların içindən

 

səni görmək ümidiylə,

 

Eh...

 

hələ çox boylanacaqdı.

 

Yenə

 

söz keçmir ürəyimə,

 

Yenə

 

divan tutmuşam könlümə.

 

Ağrı sayrışır dodağımda

 

gülüş yerinə.

 

Uşaq könlü alan kimi

 

pıçıldayıram ürəyimə,

 

Heç umma,

 

dünyadan,

 

ondan...

 

Yenə yaman dolmuşam,

 

dil deyib ağlayıram

 

ölmüş ümidlərimə.

 

itmiş gülüşlərimə...

 

 

 

Bəzi şeylərim var

 

Bəzi şeylərim var,

 

oxunmamış,

 

Məndən başqa

 

bir başqa əl

 

toxunmamış.

 

Sən haraylı, sən haylı,

 

Gözlərimin

 

sən adlı yaş payı.

 

Hamısı nisgil qoxulu,

 

kədər, qəm dadında.

 

Vəsiyyət edəcəyəm,

 

məndən sonra versinlər sənə.

 

oxumaq istədiyin

 

günlüyümü,

 

Ömrümün sənə anlada biləcək

 

hər anını, hər gününü...

 

məni anlatmaq üçün,

 

sənə tanıtmaq üçün,

 

Vəsiyyət edəcəyəm,

 

məndən sonra versinlər sənə.

 

Ən çox sevdiyim yaylığımı,

 

Saçlarımı daradığım darağımı,

 

Çox yaraşır dediyin bir paltarımı,

 

Köhnə məktublarımı,

 

onlara hopmuş hıçqırıqlarımı,

 

Başıma səpdiyin güllərimi,

 

üstündə nisgillərmi,

 

bir çox sevdiyin əkslərimi.

 

Vəsiyyət edəcəyəm,

 

məndən sonra versinlər sənə.

 

Qoru onları gözün kimi,

 

Verdiyimə peşman eyləmə.

 

 

İztirab, təlaş kölgən

 

Yenə sıxıntılar,

 

yenə həsrət hicran

 

sənsizlik qoxan dünyam.

 

 

 

Yenə ayrılıqlar,

 

yenə qarşıda qaranlıqlar.

 

Hər qaranlığın sonunda aydınlıq var.

 

 

 

Yollar kimsəsiz, tənha,

 

Gözlərim ümidsiz göylərdə

 

Yenə iztirab, təlaş, kölgən önümdə.

 

 

 

Yalnızlıq qoxan dünyamda,

 

Xatırlamaq istəmədiyim,

 

Xətirələrə möhtacam.

 

 

 

Bir gün

 

Bir gün olacaq, bilirəm,

 

Ümidlərim çiçək açacaq...

 

Yuxularım çin olacaq!

 

 

 

Bir gün olacaq, bilirəm,

 

Könlüm xoşbəxt olacaq...

 

Dodaqlarım güləcək!

 

 

 

Bir gün olacaq, bilirəm,

 

Sıyrılıb çıxacağam qəmimdən...

 

Qırmızılar geyəcəm.

 

 

 

Bir gün olacaq, bilirəm,

 

Silkinəcəyəm qəmimdən...

 

Yazacağam ancaq sevincdən,

 

 

 

Bir gün olacaq, bilirəm,

 

Gözlərimə dinclik verəcəyəm,

 

Qəhərə "əlvida" deyəcəyəm.

 

 

 

Bir gün olacaq,

 

Bilirəm.

 

Bir gün olacaq, bilmirəm...

 

 

Lütviyyə Əsgərzadə

Ədəbiyyat qəzeti.- 2020.- 15 fevral. S. 25.