O TORPAQ

Torpaq acgözlüyü eyləyənlərin

Ruhunu zülmətlə örtər O Torpaq.

Vətən torpağını qoruyanların

Alnından, gözündən öpər O Torpaq.

Dünyada Torpağa Anamsan deyən

Hər kəsə, hamıya yetər O Torpaq.

Torpağın üstündə kinlə yaşasan

Ayağın altından itər O Torpaq.

Qonşu torpağını zorla alanı

Kül eylər, üstündə bitər O Torpaq!

Yaşarsan, görərsən gələndə vaxtı...

Hər kəs O Torpaqdı - O Qarabağdı!

03.10.2020

Fikrət QOCA

Ədəbiyyat qəzeti.- 2020.- 10 oktyabr. S. 3.