Nəğmətək
dillərin əzbəri oldun,
indi sənin adın düşübdür dəbə.
dalınca yollanıb müzəffər Ordun,
ləngimə, tez yetiş böyük Qələbə...
Azərbaycandır Qarabağ...
Doğmadır
torpağı, daşı,
Türk
övladı vətəndaşı,
ömrü-günü, can sirdaşı;
biri
alov, biri ocaq –
Tanıyarlar
boyumuzdan -
irsimizdən, soyumuzdan,
su
içər öz quyumuzdan
biri
gövdə, biri budaq -
Azərbaycandır
Qarabağ!
Dünya-dünya
olan gündən
varlığımız ona Vətən,
biri-ürək, biri-bədən;
hər
ikisi Ulu torpaq -
Azərbaycandır
Qarabağ!
Baba
adı "Odlar Yurdu",
keşikçisi igid Ordu,
biri-alov,
biri ocaq -
bizimdir,
bizim olacaq -
Azərbaycandır
Qarabağ!
Ləngimə, tez yetiş,
böyük qələbə...
Nəğmətək
dillərin əzbəri oldun -
indi sənin
adın düşübdür dəbə,
dalınca yollanıb müzəffər Ordun,
ləngimə, tez yetiş böyük Qələbə!
Bir azdan
dağlara çiskin çökəcək,
yollara
cumacaq dumanlar, sazaq,
Xətai
qılıncın orda elə çək,
adını hər çarpan ürəyə yazaq.
Səninlə
birlikdə taleyimizə
qızılla yazılar Sərkərdə adı,
qırıcı təyyarə, tank öz yerində -
Qələbə
piyada ayağındadı!
Qələbə
- Yurduma Tac qoyulan gün,
var olsun
zabitim, var ol, əsgərim,
imkanım olsaydı hər döyüşçünün
ayağı altında qurban kəsərdim!
Sarmanım
boynuna gəl gülə-gülə,
Doğmalar hicranı belə uzatmır.
Görünür
- "İsmayıl Qurbanı" belə,
hələ də insanın ağlına batmır.
Nəğmətək
dillərin əzbəri oldun,
indi sənin
adın düşübdür dəbə.
dalınca yollanıb müzəffər Ordun,
ləngimə, tez yetiş böyük Qələbə...
Savaş bitib?..
Qarabağın
bağlarında
xeyli
qara tikan bitib,
hamısını doğramasaq,
demək
olmaz - "Savaş bitib".
Zirvələr
üzə gülməsə,
Bayrağımız
yüksəlməsə,
ilan
başı əzilməsə,
demək
olmaz - "Savaş bitib".
Ağırdır
qurduğu kələk,
düşmən tərəfində fələk.
izlərini kürüməsək,
demək
olmaz "Savaş bitib".
Evlər
yıxdı ötən illər,
erkən
soldu açan güllər.
qisas
almasa yetimlər,
demək
olmaz "Savaş bitib".
Düşmən
başını əyəndə,
gic təpəsinə
döyəndə,
bizdən
imdad diləyərək,
ilan kimi
mələyəndə;
deyəcəyik - "Savaş bitib!".
28.X.2020
Bu gün bir aydı ki, yurd
savaşdadı...
Bu gün
bir aydı ki, Yurd savaşdadı,
irəli
gedirik, yalnız irəli.
Sıxılma,
Qarabağ, demə - "Uzandı...",
qərinə yanında bir ay nədir ki?
Göz
var - Otuz ildir, inan ki, yatmır,
zəfər ümidsizin ağlına batmır.
Misralar
hönkürdüm Şuşaya çatmır,
mərmi
bağıranda haray nədir ki?
Düşmən
öz zatına söyüb qaçacaq,
Başına,
gözünə döyüb qaçacaq,
sürünə-sürünə vaylar çalacaq;
hələ çox salacaq, bu vay nədir ki?
Payız
təzə girib, yay bizimkidi,
yaslar
düşmənlikdir - toy bizimkidi,
hesabın itirib, say bizimkidi,
Fələyin
saydığı o say nədir ki?
Yaşadıq
yüzlərlə ağır ayları,
düşmən əsir etdi coşan çayları,
Qarabağ
tanıyar bizim soyları,
Soyumuz yanında o soy nədir ki?!
Bu gün
bir aydı ki, Yurd savaşdadı,
Biz dedik -
"adam ol" düşmən başladı,
sıxılma, Qarabağ, otuz il dözən -
qərinə yanında bir ay nədir ki...
28.X.2020
13.10
Əsgərin...
Şəninə
bəzədim bəyaz kağızı,
düşməni qovaraq qaçan əsgərin.
Alnından
öpəcəm Bayrağımızı
İsa bulağına sancan əsgərin.
Yuxumda
görmüşəm - aydınlıqdı su,
çin
olur gözlərin qaçaq yuxusu.
bircə
gün rahatca yatmaq arzusu,
səhəri səngərdə açan əsgərin.
Sən cəsur
pəhləvan, savaşda aslan,
vur,
qüvvət qoluna, qələbə sənin!
sözümüz sözdür ha... şair də olsam -
kaş,
biləm dönməyi haçan əsgərin?!
Mərmidən
səksəndi bir vaxt bələkdə,
indi
düşmən üstə od ələməkdə!
Qarabağ
sevgisi üstələməkdə -
yadında yar ilə hicran əsgərin.
Od-alov
tutacaq sönmüş ocaqlar,
tarixdə qalacaq bu qanlı çağlar,
arabir xəfifcə
dodağı qaçar,
mürgüdə evinə uçan əsgərin.
Şəninə
həsr oldu bu kövrək yazı,
düşməni qovaraq qaçan əsgərin.
Alnından
öpəcəm Bayrağımızı
Cıdır
meydanına sancan əsgərin...
20.X.2020
18.55
Qələbəli Azərbaycan...
Odda
yanmaz, suda batmaz -
fəxr
edirik Ordumuznan,
təbrik
edir səni cahan -
Qələbəli
Azərbaycan!
Təbrik
gəlir dan yerindən,
doğma
Turan ellərindən,
əhsən sənə, ulu torpaq,
Qələbəli Ana Vətən.
Qalib gəldi
cəsarətin,
Əqidənə sədaqətin.
mübarəkdir səadətin,
Qələbəli
Azərbaycan.
Halal olsun
Ordumuza -
Qələbəni
çaldı Vətən,
yeni
tarix yaza-yaza
zəbt
olunmuş torpaqları
yaddan
geri aldı Vətən.
Geri
sürür el köçünü,
dünya
gördü sel gücünü,
var ol,
Ali Baş Komandan -
yenə
doğma Qarabağın
öz
sahibi oldu Vətən!
Yandırılmış
hər körpünün,
yetim
qalan hər körpənin,
viran
olmuş bağlarının
hər
kolunun, hər çöpünün,
qisasını aldı Vətən.
Gəlirik...
Daşdı
səbri ürəklərin,
hirs
vurdu başa, gəlirik,
yalanları təlxəklərin
çırpıldı daşa, gəlirik -
gəlirik, Şuşa, gəlirik.
Tərtər
şad etdi arxları,
dönür dəyirman çarxları,
sel kimi
üzü yuxarı
biz
daşa-daşa gəlirik,
gəlirik, Şuşa, gəlirik.
Vaxtın
- dəyişib vaxtını,
zülmün aşırıb Taxtını,
ömrünün qalan vaxtını
bizimlə yaşa, gəlirik,
gəlirik, Şuşa gəlirik.
Süngülər
ucunda ilik,
yerin
canı deşik-dəlik,
deyə
bilmərəm hələlik,
kimdir
günahkar - bilirik,
gəlirik, Şuşa, gəlirik.
Cəsarətlə
əl-qolun aç,
Ordumuzdan
oldu ələc,
əldə Bayraq gülə-gülə,
köksündə ona yer elə,
qayıdaraq əbədilik,
gəlirik, Şuşa, gəlirik...
27.X.2020
22.45
Var ol,
Ali Baş Komandan...
Əsgərinə
qurban, Vətən,
Ordun varsa
- mən də varam,
bir də
"köhnə kişilərdən"
yana-yana
danışmaram.
Sındı
düşmən həmlələri,
həm
qırıldı, həm qovuldu,
köhnələrin nəvələri
babalardan
cəsur oldu.
Zülmət
getdi Qarabağdan,
ömrünü çıraq elədin,
var ol,
Ali Baş Komandan -
çox
günahkar nəsillərin
üzlərini ağ elədin!
Sındı
düşmən həmlələri,
həm
qırıldı, həm qovuldu,
nəvələr mərd kişilərin
soy-kökünə layiq oldu...
20.X.2020
21.50
Tanrı, qoru
Azərbaycan Ordusunu...
Yalvarmaqda
sənə açıb iki əlli,
gerçək elə anaların arzusunu,
Tapındığım,
haqq işimiz Sənə bəlli -
Tanrı, qoru Azərbaycan Ordusunu.
İşıqlansın
Qarabağın qara baxtı,
zülm
içində çırpınmaqdan xeyli vaxtdı!
yönəlt, görsün Zəfər adlı uca Taxtı,
ora
doğru Azərbaycan Ordusunu.
Atəş
açan toplarımız sərrast vurar,
düşüb düşmən səngərində od qoparar,
zərbəsiylə yağıların belin qırar,
hər
uğuru Azərbaycan Ordusunun.
Düşmən
çoxmuş yaxınlarda, uzaqlarda,
camalımız ümid yayan çıraqlarda,
yolu
düşüb bütün Cənub Qafqazlarda
Sülhə doğru Azərbaycan Ordusunun.
Heyrət
edər çox nəsillər bu çağlara,
dastanları sığmaz min-min varaqlara,
nə
tamah var gözündə yad torpaqlara,
nə də
qorxu Azərbaycan Ordusunun.
Azca
qalır - Qələbəylə bitər sonu,
puç
eləməz millətimin arzusunu,
çin
edərək anaların yuxusunu,
Tanrı,
qoru Azərbaycan Ordusunu...
28.X.2020
11.00
Ordu...
Daha
sındırıldı qolu, budağı,
yadı
xəzəl kimi kürüyür ordu,
başının üstündə Vətən Bayrağı,
İlhamla irəli yeriyir Ordu.
Dedik
"Rahat gedin, çalaq "Vağzalı",
hər
zaman pis bitir bəd işin dalı".
ya təslim
olmalı, ya boğulmalı -
Düşməni
Araza diriyir Ordu!
Əldən
çıxdı Murov, Sərsəng, Ağdərə,
Cəbrayıl, Zəngilan döndü bizlərə.
indi
döyüş gedir Laçına görə -
düşməni yerlə bir sürüyür Ordu.
Sağalır
Kəlbəcər, Füzuli, Ağdam,
Qubadlı sənlikdir məgər, ay nadan?
Qələbə
xəbəri gələr Şuşadan -
indi ora
tərəf yürüyür Ordu.
Çaşqın
dəstələrdə vay,
çığır-bağır,
bu
cür bitməliydi bu son, bu axır.
başlara alovlu dolular yağır -
döyəndə doludan pis döyür Ordu.
Quduz it
kimidir, dağ-daşı qapar,
üzünə hər yerdə bağlı qapılar,
ölmək istəmirsən? onu ver qurtar;
halal
torpağını istəyir Ordu...
21.X.2020
2.00
Yalnız irəliyə,
yalnız irəli...
Daha
görünməkdə Bayrağın yeri,
yanında Xilaskar əsgər heykəli,
bircə
addım olmaz çəkilmək geri,
yalnız
irəliyə, yalnız irəli!
"Cəngimiz"
özünü Orduya yazır,
Qələbə
marşında coşmağa hazır,
yağılar sonuncu səngərin qazır -
yalnız
irəliyə, yalnız irəli!
Zəfər
zamanıdır, qisas günüdür,
gözəl Qarabağın xilas günüdür,
səngərin İstiqlal bünövrəsidir -
yalnız
irəliyə, yalnız irəli!
Azmı
qurban gedib Şəhidə dönən,
Vətənə nur yayıb şam kimi sönən?
əsgər, qurban olum, gümanım sənsən -
yalnız
irəliyə, yalnız irəli...
Qarabağım...
Ürəklərdə
Bayrağın
enmədi,
Qarabağım.
Bu gün
hamının gözü
səndədi, Qarabağım.
Sənə
bağlı arzular,
Qələbənə
uğurlar!
daha əzab-ağrılar
köhnədi, Qarabağım,
Canım,
gözüm, Vətənim,
Bülbülləri
ötənim,
imanlı
millətimin
məbədi Qarabağım.
Torpağım,
qurban sənə,
yaraşmır hicran sənə.
el
sevgisi hüsnünə
sönmədi, Qarabağım.
Şahidi
oldu bəşər -
yenildi
"Xeyirə" - "şər"
sən
dünyanın, müxtəsər,
Cənnəti,
Qarabağım.
Getdi
çöhrəndən duman,
daha
bizimdir dövran,
dünya
üstünə cumdu -
sözündən Baş Komandan
dönmədi, Qarabağım,
Bayrağımız
bir daha
enmədi,
Qarabağım...
20.X.2020
10.50
Hələ bitmiş
saymaq olmaz savaşı...
Köhnə
zamanlarda olduğu kimi,
Şuşaya rahatca yol salınacaq.
İsa
bulağında, Cıdır düzündə
coşan
aşıqlardan zövq alınacaq.
Qəhərlə
baxaraq ağır illərə,
erkən
dən gətirən qara tellərə,
kimi qərq
olacaq xatirələrə,
kiminin
gözünü sel aparacaq.
Yenə
öz kefində Kəlbəcər, Laçın,
vüqarlı dağların dumanı qırçın,
yığın el-obanı, süfrələr açın,
torpaq
silkələnib, yer qabaracaq.
Toy-bayram
Ordunun qələbəsində,
Yurdun hər
kəndində, qəsəbəsində,
erməni
Şuşada yallı gedəndə -
bilmirdi,
kefinə paz çalınacaq?!
Yenə Vətənimin
ucadır başı,
dirilib
qalxacaq hər qəbir daşı,
hələ bitmiş olmaz saymaq savaşı,
hələ qisasımız çox alınacaq...
20.X.2020
1.20
Hicran az
qalırdı
"Qərinə" olsun...
Yeni xəbər gəldi indi Ordudan.
düşmən silahını tərgidib qaçır,
yadlar
harayına qulağın tutan
doğma
pıçıltıyla gözünü açır.
Ocaqlar
göylərə qalxan tüstünün
dalınca alovlu gözlə baxacaq,
azarkeş gülləri "Cıdır düzünün"
mərclərə yepyeni gözlə baxacaq.
Vaxtı
qabaqladı cəsur millətim,
hicran az
qalırdı "qərinə" olsun,
dözmək intizara olsa da çətin,
təki
peymanımız yerində olsun!
İndi
bambaşqadı bu ormanların -
Doğudan-Batıya
kölgəsin sərib,
bu yerdə
doğulan ulularımın
körpə göbəkləri cücərti verib.
İndi halı oldun Türk zopasından?
düşmən, bu nə əxlaq, bu nə həyadı?
sən
kimsən adlara quyruq qoşasan? -
daşın - daş adı var, suyun - su adı!
Xaçpərəst
qisminə hiyləylə varid -
erməni
hər yerdən bu cür qovulub,
səcdə etdikləri Allah "Anait",
zatən
"Vahişəlik Allahı" olub!
Dövran
qəsd elədi - itirdik səni,
xeyir-bərəkətli Cənnət məkansan,
Qarabağ,
qapının cəftələrini
Pas tutub;
bilirik çox ağlamısan...
22.X.2020
02.35
Onlar qayıtmadı
bu son həmlədən...
Onlar
qayıtmadı bu son həmlədən,
doğmalar gileyli - "Yenə gecikib...".
Torpaq, muğayat
ol şəhidlərindən,
onlar sənə
görə canından keçib!
Bu,
qanlı savaşın kökləri dərin,
düşmən - özü cılız, məkri qorxulu.
Hər
yerdə əsgərə sayqı göstərin,
kişi
ətirləri-barıt qoxulu!
Bu, qəmli
öyüdüm gənc qızlarınkı -
gedər
nazlı-nazlı, şux ətirlənib.
Yarın
ona görə yanındadır ki,
bu əsgər
özünü sipər eləyib!
Nadan var vətəndaş
üstünə cumur,
əsgər libasını geyməz əyninə,
qeyzin səddini
bil, rütbəli məmur -
Şəhid
doğmasının qəlbinə dəymə!
Savaşa
tuş gəlir Yurd zaman-zaman,
Şəhidlər göydəki ulduzlarımdır.
Hər əsgər
mənimçün Milli qəhrəman,
ümidim,
dayağım, xilaskarımdır...
21.X.2020
14.40
"İtqovan"...
Hər tərəfə
bayraq sancır,
qəhrəmanlar Qarabağda.
Başını
götürüb qaçır,
at
çapanlar Qarabağdan.
Sərsəmə
ölümdür əlac,
Təpiklərin
altında Xaç,
qayıtmaqda ac-yalavac,
yırtıcılar Qarabağdan,
Ay
Şuşada yallı gedən,
axı-bura bizim Vətən!
bilin,
vurub təpənizdən -
qıracaqlar Qarabağda!
Nə qudurdun, azğın köpək?
günahdır ocaq söndürmək!
Onlar sizi
kor edərək,
Yanacaqlar
Qarabağda.
Nə
saydılar bu Vətəni,
torpağını, sərvətini?!
Millətimin
qüdrətini
qanacaqlar
Qarabağda!
Tarix
yazır odlu anlar...
mürəkkəbi bizim qanlar,
bizim
şahin "İtqovanlar"
qovalayır itlər
kimi
ermənini Qarabağdan...
23.X.2020
09.40
Lap az qalır...
Lap az qalır, bir az qalır -
Şuşamıza
qayıtmağa,
kotan
salıb ağır-ağır
şum
yerlərin oyatmağa.
Lap az qalır, doğma ocaq,
müharibə uzun çəkməz -
Allah qoysa
bu gün, sabah
Qələbəmizlə
bitəcək!
Müharibə
tez bitəcək,
Hicran
salan köz sönəcək,
amma
düşmən çox hürəcək -
hürə-hürə gəbərəcək!
Qəmli
izlər salacaqdı -
müharibə bəd ocaqdı,
"Xaçpərəstlər"
hiyləsində
Ermənistan
oyuncaqdı!
Lap az qalır, bir az qalır
yurd-yuvaya
qayıtmağa,
kotan
salıb ağır-ağır
şum
yerlərin oyatmağa...
25.X.2020
12.05
Vahid Əziz
Ədəbiyyat qəzeti.- 2020.- 31
oktyabr.- S.12-13.