Niyə?

Məndən soruşursan: - niyə

xəyalımda gizlənən

nə vardısa unutdum,

boyumu boylardan

aşağı tutdum,

qorxumun arxasında

gizləndim çox asanca,

mən qaranı basdım

qara məni basınca,

ömrüm boyu kölgəmin

arxasınca süründüm,

yıxılanda göründüm?

Məndən soruşursan: - niyə

hündür oldum hamıdan

özümü kiçik görəndə də?

Deyim səbəbi nədi -

qorxum arxada idi.

Opal İnqram (Amerika Birləşmiş Ştatları)

Poetik tərcümənin müəllifi: Adil Cəmil

Ədəbiyyat qəzeti.- 2020.- 18 yanvar. S. 26.