Azərbaycan Yazıçlıar Birliyində yeni təyinatlar

 

Azərbaycan Yazıçılar Birliyində yeni kadr təyinatları olub

 

İyulun 1-də Azərbaycan Yazıçılar Birliyində rəhbərliyin toplantısı keçirilmişdir. İştirakçılar uzun illər boyu AYB-nin Birinci katibi işləmiş Xalq şairi Fikrət Qocanın xatirəsini bir dəqiqəlik sükütla yad etmişlər.

Xəbər verildiyi kimi, Birliyin Birinci katibi vəzifəsini icra etmək Xalq yazıçısı Çingiz Abdullayevə həvalə olunmuşdur. Birliyin katibi Rəşad Məcid sədrin müavini təyin edilmişdir. Elçin Hüseynbəyli və Səlim Babullaoğluna Birliyin katibləri vəzifəsini icra etmək tapşırılmışdır. Katiblər arasında iş bölgüsü məyyənləşdirilmişdir. Ağsaqqallar Şurasının sədri Xalq şairi Nəriman Həsənzadə və Gənclər Şurasının sədri Fərid Hüseyn katibliyin üzvləri təsdiq olunmuşlar. İndi 21 üzvü olan Gənclər Şurasının tərkibinin 31 nəfərdən ibarət olması razılaşdırılmışdır. Sayman Aruz sədrin müşaviri təyin edilmişdir.

Azərbaycan Yazıçılarının pandemiyaya görə təxirə salınmış XIII Qurultayının bu ilin oktyabr-noyabr aylarında keçirilməsi nəzərdə tutulur. Qurultaya qədər olan müddətdə hazırlıq işləri aparılması və Nizamnaməyə görə seksiya və bölgələr üzrə Qurultayda nümayəndələr seçilməsi nəzərdə tutulur.

***

Azərbaycan Yazıçılar Birliyində (AYB) yenə kadr təyinatları olub.

Rauf Aslanov Azərbaycan Yazıçılar Birliyi sədrinin baş müşaviri təyin edilib.

Yazıçı-tərcüməçi Vaqif Əlixanlıya AYB Bədii Tərcümə Ədəbi Əlaqələr Mərkəzinin sədri vəzifəsini, yazıçı Pərvin Nurəliyevaya isə Qobustan jurnalının baş redaktoru vəzifəsini icra etmək tapşırılıb. İndiyədək Mərkəzin nəşri olan Dünya ədəbiyyatı dərgsinin baş redaktoru ədəbiyyatşünas Seyfəddin Hüseynli isə eyni zamanda Bədii Tərcümə Ədəbi Əlaqələr Mərkəzinin sədrinin müavini təyin edilib.

 

Azərbaycan Yazıçılar Birliyinin Mətbuat xidməti

 

Ədəbiyyat qəzeti.- 2021.- 3 iyul.- S.17.