Zəfər yolunun hikmət
xronikası
və ya 44 gün - 44 aforizm
Facebookda "Əbu Turxan: fikrin qönçələri" səhifəsinin müharibə günlərində paylaşdığı aforizmlər
Səlahəddin XƏLİLOV
27 Sentyabr 2020
"Başladınsa, başa çatdır!"
28 Sentyabr
"Sıxılmış yay açılanda, qarşısında durmaq çətin olur".
29 Sentyabr
"Düşüncələr toplanmasa da, dualar toplanır".
30 Sentyabr
"Yüz dəfə
üstələyən yox,
ən son üstələyəndir
qalib".
1 Oktyabr 2020
"Haqqa xidmət
edəndə gücün
də üzü gülür".
2 Oktyabr
"Qandan gözü
doymayanları ancaq öz qanı ilə doydurmaq olar".
4 Oktyabr
"Torpağın da
səbr kasası var, onu kinlə
dolduranlar öz kinində boğulur".
5 Oktyabr
"Gələcək o zaman bizimkidir ki, keçmişimizin davamıdır".
6 Oktyabr
"Namərdin yalvarışı,
- mənə aman ver, gör sənə
neyləyirəm, - deməkdir".
7 Oktyabr
"Şəhidlərin ruhu da savaşır".
8 Oktyabr
"Şad xəbərin
bəkləntisi də
özü qədər
həyəcanlı olur".
9 Oktyabr
"Zülmətin tək
qənimi işıqdır".
10 Oktyabr
"Yük var, yüngülləşdirir".
11 Oktyabr
"Kin qusan kinində
boğular".
12 Oktyabr
"Güclü arxa
ona görə deyil ki, sənin
əvəzinə önə
çıxsın; ona
görədir ki, özün önə çıxanda ağlın
arxada qalmasın".
13 Oktyabr
"Zəfər çələngində
hər çiçəyin
öz əvəzsiz ətri olur".
14 Oktyabr
"Fərdi sevgidən ilahi sevgiyə yüksəliş yolunda ən ali
məqam Vətən sevgisidir".
15 Oktyabr
"Vətəni sevməyin
daha bir şərti, - onun uğrunda savaşanların
sevincini də, acısını da onlarla birlikdə yaşamaqdır".
16 Oktyabr
"Zavallı olmaq
heç kimə haqq qazandırmır; zəhmət çəkib
güclü olmaq lazımdır".
17 Oktyabr
"Hərə öz
qəlbinin dərinliklərindəki
işığı üzə
çıxara bilsə,
dünya daha işıqlı olar".
18 Oktyabr
"Vüsal yaxınlaşdıqca,
həsrətin şiddəti
artır".
19 Oktyabr
"Savaşda sağ qalmağın tək yolu ölümü öldürməkdir".
20 Oktyabr
"Sevinc nərdivanı
da ona görə
pillə-pillə olur ki, xoşbəxtliyin ağırlığından dəngə
pozulmasın".
21 Oktyabr
"Müharibələr sanki ancaq torpaq
uğrunda olur, - əslində həm də itirilmiş milli özgüvəni bərpa etmək üçün bir sınaq meydanıdır".
22 Oktyabr
"Həyat sadəcə
nəfəs almaq deyil; həyatı şərəfləndirən - nəfəslərin donduğu
anlardır".
23 Oktyabr
"Bütün dünyanı
aldadanlar üçün
sonda ancaq bir yol qalır,
- özünü və
öz millətini də aldatmaq".
24 Oktyabr
"Kəsmək haqqı kütlərə veriləndə
sadəcə əzab verər... İti qılınc isə
əzablara son qoyur".
25 Oktyabr
"Qələm - yazanda,
qılınc - kəsəndə,
ordu da ancaq
hərəkətə keçəndə
özü olur".
26 Oktyabr
"Bıçaq sümüyə
dirənəndə min illərin
geni özünü göstərir; kimin isə aslan/qurd keçmişi, kimin isə tülkü/çaqqal keçmişi üzə
çıxır".
27 Oktyabr
"Əgər bir
ordunun beyin mərkəzi zədə alıbsa, nə qədər tez təslim olsa, itkisi də o qədər az olar".
28 Oktyabr
"Namərd... özündən
daha qəviyə rast gəlməsə, insaf yadına düşməz".
29 Oktyabr
"Ədalət!
Nə qədər nəcibdirsə,
o qədər azman,
Son sözü düz
sözə verəcək
zaman!"
30 Oktyabr
"Bir gülə həsrətəm, bülbüllərə
tən,
Bir rəngə həsrətəm,
möhnətdə itən...
Dedilər çarəsi xarıbülbüldür,
Bu dünyada ancaq Şuşada bitən!".
31 Oktyabr
"Yalançıların xidməti birdəfəlik
istifadə üçündür".
1 Noyabr
"Alçaqlar yüksək
dəyərləri anlamaz;
onlarla ancaq gücün dilində danışmaq lazımdır".
2 Noyabr
"Güllə insanı
öldürə bilər,
insanlığı - yox".
3 Noyabr
"Haqsız olanların
"haqqı" gücü
çatan yerə qədərdir".
4 Noyabr
"Bir işıq istərəm qəmi əridən,
Bir sevinc istərəm kədərimə
tən".
5 Noyabr
"Yaşadığın torpaq deyil, ruhu
ilə yaşadığın
və ruhunu yaşatdığın torpaqdır
Vətən".
6 Noyabr
"Sevgidən dəli olanlar öz canından keçməyə,
nifrətdən dəli
olanlar, - başqalarının
canına qıymağa
hazır olurlar".
7 Noyabr
"Xarab qandan təmizlənmək üçün
təmiz qan da tökülməli olur".
8 Noyabr
"Həsrətin acısı
nə qədər böyükdürsə, vüsalın
sevinci də bir o qədər böyük olur".
9 Noyabr
"Ən uca zirvə qəlbin dərinliyindədir!
Bayraq da daim yüksələ bilmək üçün
öncə qəlblərdə
dalğalanmalıdır".
Səlahəddin XƏLİLOV
Ədəbiyyat qəzeti.- 2021.-
6 noyabr.- S.14.