Məmməd İsmayıl Dünya Şeir Festivalında

21-24 oktyabr tarixləri arasında Makedonyanın Tetove şəhərində iyrimibeşinci “Naim Günləri”Beynəlxalq Poeziya Festivalı keçirilib.

Şimali Makedonya və Albanyanın müxtəlif şəhərlərində davam edən bu yubiley festivalana həmyerlimiz, şair Məmməd İsmayıl da dəvət edilib.

Festivalda Konqo, Argentina, Kolubiya, Almanya, Bolqarıstan, Norveç, Polşa, Hindistan, İngiltərə,Türkiyə, İtalya, Kosova və başqa ölkədən gələn qırxdan çox şair iştirak edib.

Festival iştirakçılarının şeirlərindən ibarət alban dilində “Külək Simfoniyası” adlı kitab nəşr edilmişdir. Kitaba Məmməd İsmayılın yaradıcılıq fəaliyyətinə aid geniş məqalə və “Tanrı Bilər”, “Tərəddüdlər”, “Unutduğun Yerdəyəm”.”İlham”və “Görəsən” şeirlərinə yer verilmişdir. Şeirləri alban dilinə M.İsmayılın dostu Kosovalı ünlü şair J.Kelmendi tərcümə etmişdir.

Onu da qeyd edək ki, bundan əvvəl J.Kelmendi M.İsmayılın 2018-ci ildə Kosovada alban dilində mükəmməl bir kitabını nəşr etdirmişdi. Kitab istər Kosova, istərsə də Albanya mətbuatdında geniş işıqlandırılmış haqqında məqaləllər yazılmışdı. Elə həmin il Həmyerlimiz bu kitabına görə Kosovanın ən önəmli “Azəm Shkrelit” mükafatına layiq görülmüşdür.

Ədəbiyyat qəzeti.- 2021.- 30 oktyabr.- S.31.