Dəmir yumruq

Aramızda olanlar

Yadlar üçün sirr olub.

Yaranandan hər zaman

Dərd-sərimiz bir olub.

Birləşmişik yumruqtək,

Bəyan edim bir daha.

Vətənin dar günündə

Sarılmışıq silaha.

Türk oğluna arxadı

Onun Udin sirdaşı.

Silahından od saçır

İgid Talış qardaşı.

Qurban olum Ləzgitək,

Cəsur vətən daşına.

Şahdağıtək qar yağıb

Anaların başına.

Nərə çəkir Avarım,

Mərd Saxurum can deyir.

İngiloyum döyüşür,

Gürcüm qana-qan deyir.

Malakanım, rusum da

Aman vermir düşmənə.

Vətənini sevməyən

Sinə gərmir düşmənə.

Yenilməzdi kürd oğlum,

Tatım, Ceklim balamdı.

Haputlımın gözündə

Qarabağım qalamdı.

Yəhudim də uğrunda

Şəhid olur, ey Vətən!

Xınalığın, Qırızın,

Gözü dolur, ey Vətən!

Həm assurum, rutulum,

Əliklim də hayqırır.

Buduklum da savaşır,

Yergüclüm də hayqırır.

Dua edir Qaraçım,

Zəfər çalsın ordumuz.

Çiçəklənib gül açsın,

Abad olsun yurdumuz.

Vətən, sənin uğrunda,

Ər oğullar itirdik.

Bəd erməni xislətin

Birdəfəlik bitirdik.

Qarabağa göz dikən,

Düşməni kor elədik.

Öz əliylə qazdığı

Səngəri gor elədik.

Bu tolerant ölkəmə

Ulu Tanrım yar olsun!

Azərbaycan adlanan

Vətənimiz var olsun!!!

24.10.2020

Vəli QARAÇAYLI

Ədəbiyyat qəzeti.- 2022.- 16 aprel.- S.15.