Xocam Xocalı!

Poemadan parça

Qonsam dan yerinə

azad, hürr kimi,

Dolansam başına

eşqi pir kimi,

Açılsa ürəyim

qızıl gül kimi,

Haqqı tər sinəmə

qızılı yazsam?

Yazsam, yeymi, Xocam?

Gecədən səhərə

axan sirr olum!

Şükürlər içində

Şükranə yolum!

Sənin hüzurunda

nədir ki ölüm?

Baglı düyünlərin

bagını açsam?

Açsam, yeymi, Xocam!

Qazilər ən gözəl

Şərqini yazdı,

Sevgisi qol-boyun

Kürdü, Arazdı.

Ahı sinə yaxdı,

bu hələ azdı,

Hələ yıxılmalı

dagları aşsam?

Aşsam, yeymi, Xocam!

Mənə anlatdığın

həqiqət, andım!

Gerçəklər əzmini

mərdanə sandım!

Yandım bənövşəyi,

şahanə yandım!

Zəfər bulağıtək

qaynayıb daşsam?

Daşsam, yeymi, Xocam!

Dərsin görünməyən

ibrət dərsidi,

Alın yazısının

sağdan tərsidi.

Səsin divanilər

müqəddəsidi,

Sənsən haqq aşiqi

hayana baxsam...

Baxsam, yeymi, Xocam?

Sən əlii milyonsan,

Bəlkə də çoxsan,

Ədalət axtaran

pirani haqsan.

Sabahlar eşqinə

qurtulacaqsan,

Səninlə əbədi

baş-başa qalsam?

Qalsam, yeymi, Xocam?

Ədalət ƏSGƏROĞLU

Ədəbiyyat qəzeti.- 2022.- 26 fevral.- S.1.