Ulduzun xüsusi buraxılışı

 

Dərginin fevral sayı dünya azərbaycanlılarının bədii yaradıcılığına həsr olunub

 

"Ulduz" jurnalının  fevral sayı işıq üzü görüb. Dünya azərbaycanlılarının bədii yaradıcılığından ibarət dərginin "Hamımız bir ulduzun zərrəsiyik" devizi altında nəşr olunan xüsusi sayı "Ulduz" jurnalı ilə "525-ci qəzet"in birgə layihəsidir.

İlk olaraq xüsusi nömrənin  redaktoru yazar Günay Səma Şirvanın "Hamımız bir ulduzun zərrəsiyik!.." yazısına yer verilib. "Ulduz" dərgisinin Rusiya təmsilçisinin  təqdimat yazısının ardınca oxucular Türkiyənin Çanaqqala şəhərində yaşayan tanınmış şair Məmməd İsmayılın "Ulduz" jurnalı ilə bağlı xatirələrini yeni şeirlərini oxumaq imkanı qazanacaqlar.

Almaniyanın Köln şəhərində yaşayan Orxan Arasın "Avropa ədəbiyyatında Nizami" araşdırma yazısı dahi Azərbaycan şairinin Avropa ədəbiyyatında yerini rolunu diqqətə çatdırır. Taleyini İsveçin Helsinborq şəhərinə bağlayan yazıçı- publisist Vahid Qazinin "Adamlar kitablar" silsiləsinə daxil olan "Salam, Gülsarı!" yazısı müəllifin yaşadığı ölkə haqda düşüncələrindən türk dünyasının böyük ədibi Çingiz Aytmatovun "Əlvida, Gülsarı" povestiylə bağlı xatirələrindən bəhs edir.

Estoniyanın Tartu şəhərindən Xaqani Qayıblının, Gürcüstanın Borçalı mahalından İbrahimxəlilin, Amerikanın Vaşinqton şəhərindən Səfər Fuadın, Başqırdıstanın Ufa şəhərindən Baloğlan Cəlilin, Rusiyanın Moskva şəhərindən Nilufər Şıxlının Əliş Əvəzin, İspaniyanın Santander şəhərindən Səfa Rəşidin, Fransanın Lannion şəhərindən Şəhriyar İbrahimovun, eləcə Belarusun Minsk şəhərindən Məhəmməd Azəroğlunun şeirləri soydaşlarımızın son illərdə qürbətdə qələmə aldıqları poeziya nümunələridi.

Rusiyanın Moskva şəhərində yaşayan həkim-yazar Afaq Şıxlının "İtirilmiş ömür", İsveçin Stokholm şəhərini  təmsil edən Şəlalə Əbilin "Həsir şlyapa" Finlandiyanın Nokia şəhərindən Güntay Gəncalpın "Ala inək" hekayələri, həmçinin Rusiyanın Stavropol vilayətindən İlqar Kamilin "Avtobusa gecikən yazı", Şimali Kipr Türk Cümhuriyyətindən Nazim Muradovun  "Bir axır çərşənbə xatirəsi"  adlı yazıları müəlliflərin uşaqlıq gənclik illəri  xatirələrinin nəsrdə bədii təsviridir.

İsveçrə Konfederasiyasında yaşayıb-yaradan yazıçı-publisist Samir Sədaqətoğlunun "İlan ağzından qaçan" hekayəsi  bundan öncə müəllifin yaşadığı ölkənin nüfuzlu "Voix d'Exils" internet qəzetində fransız dilində dərc olunub. Qeyd edək ki, "Tərcümə saatı"nda da sözügedən yazarın tərcümə etdiyi fransız yazıçısı Myriam Louviotun "Viktor Hüqo mənimlə yaşayır" hekayəsi təqdim edilib. Rusiyanın Sankt-Peterburq şəhərində yaşayan yazar tədqiqatçı Şahnaz Kamalın "Hər şey yaxşı olacaq" hekayəsində Vətən müharibəsi dövründə bir Azərbaycan ailəsinin timsalında vətəndaşlarımızın vətənpərvərlik duyğularına işıq tutulur.

"Miniatürlər" rubrikasında  qardaş Türkiyənin  İzmir şəhərində yaşayan Məlihə Əzizpurun qısa hekayələri,  "Dərgidə kitab"da Təvəkgül Boysunarın hekayələri, "Sərgi"də isə Rusiyada yaşayan gənc rəssam Leyla Muradovanın rəsm əsərləri yer  alıb.

 

Ədəbiyyat qəzeti.- 2022.- 26 fevral.- S.32.