Bir gəlin üz tutur uca Tanrıya:

Ya məni quş elə, ya daşa döndər!

Dağ da dözə bilməz belə yaraya,

Nicat ver, Ya Rəbbim, xilaskar göndər!

Salam, Böyük İnsan - tarix çağırır,

Zülmətdən, zillətdən haylanır Vətən.

İndi darda qalan bayraq çağırır,

Sənin yollarına boylanır Vətən.

Sən yaxşı bilirsən yer nə, göy nədir,

Sənin alın yazın millətin yolu.

Vətənin qəlbində yara göynəyir,

Çağırır vüsalı həsrətin qolu.

Əli Rza Xələfli

"İnsan, tarix və zaman" poemasından

Ədəbiyyat qəzeti.- 2022.- 11 iyun.- S.3.