Sevgili Turan məfkurəsinə

birinci yol göstərən ustad

Əli Bəy Hüseyinzadə

həzrətlərinə təqdim

Qara dəniz

Çırpınırdın, Qara dəniz

Baxıb Türkün bayrağına!

"Ah!.." deyərdin, heç ölməzdim,

Düşə bilsəm ayağına.

Uzaq düşmüş dost elindən,

İllər var ki, çarpar sinən!..

Vəfalıdır, gəldi gedən,

Yol ver Türkün bayrağına!

İncilər tök, gəl yoluna,

Sırmalar səp sağ, soluna!

Fırtınalar dursun yana,

Salam Türkün bayrağına!

"Həmidiyyə" və Türk qanı!

Heç birinin bitməz şanı!

Batum olsun ilk qurbanı!

Əyil Türkün bayrağına!

Dost elindən əsən yellər,

Bana şeir, salam söylər.

Olsun bizim bütün ellər

Qurban Türkün bayrağına!

Əhməd Cavad

1 Mayıs 1918, Gəncə

Ədəbiyyat qəzeti.- 2022.- 19 noyabr.- S.14.