Professor Vüqar Əhməd

Türkiyədə konfransda iştirak edib

 

AMEA-nın Nizami Gəncəvi adına Ədəbiyyat İnstitutunun Mətbuat tarixi publisistika şöbəsinin müdiri filologiya elmləri doktoru, professor Vüqar Əhməd Dünya Ahıska Türkləri Birliyi dəvəti ilə Türkiyənin Antalya şəhərində keçirilən Beynəlxalq Ahıskalı Türk Qadınları Simpoziumunda Ahıskalı türk qadını Şəfiqə Əfəndizadə mövzusunda məruzə ilə çıxış edib. Əməkdaşımızın elmi məruzəsi konfrans iştirakçıları tərəfindən hərarətlə qarşılanıb.

Bu barədə AZƏRTAC-a Ədəbiyyat İnstitutundan bildirilib. Vüqar Əhməd təşkilatın rəhbəri Ziyəddin Həsənov tərəfindən diplom, təşəkkürnamə ilə təltif olunub ona hədiyyələr təqdim edilib.

 

Ədəbiyyat qəzeti.- 2022.- 29 oktyabr.- S.11.