Ramiz
Qusarçaylının yubiley tədbiri
keçirilib
Azərbaycanın
tanınmış şairi,
Azərbaycan Yazıçılar
Birliyinin (AYB) Quba bölməsinin sədri Ramiz Qusarçaylının
65 illik yubiley tədbiri keçirilib.
AYB-nin Natəvan klubunda təşkil olunmuş tədbirdə şairin qələm dostları, ictimai xadimlər, elm adamları və mətbuat işçiləri
iştirak ediblər.
Tədbirin
moderatoru Əməkədar
incəsənət xadimi,
yazıçı Elçin
Hüseynbəyli qonaqları
salamlayaraq yubilyarın
parlaq yaradıcılığı
barədə qısa giriş nitqi ilə çıxış
edib. O qeyd edib ki, R.Qusarçaylı
AYB-ni, ümumilikdə,
Azərbaycan ədəbiyyatını
şimal bölgəsində
layiqli təmsil edir.
AYB-nin
sədr müavini, Azərbaycan Mətbuat Şurasının sədri
Rəşad Məcid keçmişi yada salıb, R.Qusarçaylı
ilə tanışlıq
illərindən maraqlı
xatirələr bölüşüb.
Şairin Qarabağın
işğal illərində
yazdığı vətən
motivli şeirlər barədə söhbət
açan R.Məcid bildirib ki, onun
"Azərbaycan bayrağına"
şeirinin son 30 illik ədəbiyyat salnaməmizdə xüsusi
yeri, gənc nəslin vətənpərvər
ruhda yetişməsinsə
əvəzsiz rolu var. Tədbirin qələbəliyini diqqətə
çatdıran R.Məcid
R.Qusarçaylının bu
sevgiyə layiq olduğunu vurğulayıb.
Azərbaycan
Respublikasının Milli
Məclisinin Mədəniyyət
komitəsinin sədri,
millət vəkili Fazil Mustafa Vətən
mövzusunda yazılan
şeirlərdən bəhs
edib. Millət vəkili qeyd edib ki, bəzən
bu mövzuda yeknəsək, bir-birinə
bənzəyən şeirlərə
daha çox rast gəlirik, R.Qusarçaylını bizə
sevdirən odur ki, o, fərqlidir, özünəməxsusdur. Onun
müxtəlif mövzulu,
çoxşaxəli yaradıcılığı
barədə fikirlərini
bölüşən F.Mustafa
şairə yaradıcılıq
uğurları arzulayıb.
F.Mustafa Milli məclisin Mədəniyyət
komitəsinin təbrik
protokolunu yubliyara təqdim edib.
Azərbaycan
Dövlət Pedaqoji Universitetinin prorektoru, professor Mahirə Hüseynova R.Qusarçaylının
gənclik şeirlərini
xatırlayıb, yaratdığı
gözəl poetik nümunələrin ölməzliyini
diqqətə çatdırıb.
Yazıçı
Əlibala Məhərrəmzadə
R.Qusarçaylının yaradıcılığı
ilə yanaşı, insani xüsusiyyətləri,
ənənələrə, keçmişə sadiqliyini
vurğulayıb. O qeyd
edib ki, poema yazma ənənəsini
yenidən aktuallaşdıran
məhz R.Qusarçaylı
olub.
Millət
vəkili Razi Nurullayev çıxışı
boyu şairin dil-üslub xüsusiyyətlərindən
bəhs edib. O bildirib ki, R.Qusarçaylı
el şairi kimi elin dilinin
bütün zənginliklərini
mənimsəyərək unudulmaz
şeirlər ərsəyə
gətirib.
R.Qusarçaylının
qələmə aldığı
"Vətən" poemasının
bədii məziyyətləri
barədə ətraflı
çıxış edən
professor Rüstəm Kamal poemadakı bənzərsiz dil hadisələri, maraqlı
şair manevrları haqqında fikirlərini bölüşüb, poemadan
bir neçə hissəni səsləndirib.
Tanınmış
qiraətçi, Əməkdar
artist Ağalar Bayramov R.Qusarçaylının
bir neçə şeirini səsləndirib.
Tədbir iştirakçıları
onun çıxışını
alqışlarla qarşılayıblar
Tədbirdə
Ramiz Əskər, Şahin Fazil, Vaqif Osmanov, Umud Rəhimov, Ağacəfər Həsənli,
Paşa Qəlbinur, İbrahim İlyaslı, Xətai Ələsgərov,
Əmir Pəhləvan,
Lətifə İsmayılova,
İlqar Hüseynov, Tofiq Abdullayev, Adilə Nəzər, İsrafil Qurbanov və digər bir sıra tanınmış
qələm sahibləri,
fikir adamları çıxış edərək
təbriklərini bölüşüblər,
R.Qusarçaylıya yeni-yeni
yubileylər və yaradıcılıq uğurları
arzulayıblar.
Sonda çıxış edən R.Qusarçaylı tədbirin təşkilində əməyi olan və tədbirə təşrif buyuran hər kəsə minnətdarlığını bildirib.
Ədəbiyyat qəzeti.
- 2023 .- 30 dekabr, № 52. - S. 15.