Belarus Yazıçılar İttifaqının üzvü, Azərbaycan

Yazıçılar Birliyinin, Yazıçı, Jurnalist və Dramaturqların

Beynəlxalq Təşkilatının üzvü Kamran Nəzirliyə

19 iyun Qafqazın tanınmış yazıçısı, tərçüməçi, jurnalist, filosof, Azərbaycan ictimai xadimi Kamran Nəzirlinin 65 yaşı tamam olur.

Kamran Nəzirlinin xidmətləri geniş beynəlxalq səviyyədə tanınır. Onun kitabları, hekayələri, pyesləri, məqalələri Azərbaycanla yanaşı, ABŞ-da, Belarusda, Cənubi Koreyada, Gürcüstanda, Moldovada, Niderlandda, Özbəkistanda, Rumıniyada, Rusiyada, Türkiyədə, Ukraynada və s. ölkələrdə çap olunur. Onun ədəbiyyat qarşısındakı xidmətləri Beynəlxalq Rəsul Rza, “Humay”, Mədəniyyət Nazirliyinin “Qızıl Kəlmə”, Zərdabi adına və Belarusda Beynəlxalq “Rodnoy Dom” mükafatlarıyla qiymətləndirilib. Bundan başqa o, Herman Melvilin “Mobi Dik” romanının Azərbaycan dilinə tərcüməsinə görə ABŞ səfirliyinin xüsusi diplomu və mükafatıyla təltif edilib.

Kamran Nəzirli dünya ədəbiyyatının klassikləri, o cümlədən Anton Çexov, Cek London, Con Qolsuaorsi, Marqaret Mitçell, Mark Tven, Oskar Uayld, Vasili Şukşinin əsərlərini doğma dilinə tərcümə etmişdir, onun Belarus yazıçılarından Ales Badak, Ales Karlyukeviç, Anatoli Matviyenko, Georgi Marçuk, Nikolay Çerqinets və bir çox başqalarının əsərləri və kitablarının Azərbyacan dilinə tərcümə edilib nəşr olunmasında böyük xidmətləri olmuşdur.

Xarici dilləri səlis bilməsi nəticəsində o ən yaxşı Türkiyə və Azərbaycan şairlərinin şeirlərini ingilis dilinə tərcümə edərək antologiya şəklində çap etdirmişdir. Həm yazıçı kimi, həm də bir ictimai xadim kimi dəfələrlə Qarabağ problemi ilə bağlı beynəlxalq səviyyədə çıxışlar etmiş, sağlam və konstruktiv mövqeyi, şübhəsiz problemin tənzimlənməsinə təsir göstərmişdir.

Belaruslu həmkarları Kamran Nəzirliyə can sağlığı, yeni-yeni uğurlar arzulayır, səmimiyyətlə inanırlar ki, o, bundan sonra da belarusların ən yaxın dostu olaraq qalacaq, mədəni əlaqələrin möhkəmləndirilməsində yorulmaz səyləri bizim xalqlarımızı daha da yaxınlaşdıracaqdır.

Ədəbiyyat qəzeti.- 2023.- 24 iyun.- S.32.