Oğul
Mən səni
yeni ayaq açanda,
yeni dil açanda,
top kimi yumalanıb
qaçanda görmüşəm.
İlkin
ata deyəndə
öpmüşəm dodaqlarından.
Çəkdiyin qəribə, gübnəli
şəkilləri
Bugünəcən saxlamışam.
İlk dəfə məktəbdən
gələndə
bağrıma basmışam
səni,
qucaqlamışam,
İllər keçib bir-birinin
ardınca,
sən böyümüsən
hər gün.
Qalxmısan ömrün neçə
pilləsini;
zaman təqvimin varaqlarım qopardıqca.
İndi
yekə kişi
olmusan, maşallah!
Gündə üzünü qırxırsan.
İndi
qadınlar sənə
Həsədlə, məhəbbətlə baxır.
Uşaqlardan sənə dayı deyənlər var.
Ancaq sən,
mənim gözümdə
hələ də
yeni ayaq açan,
yeni dil açan,
top kimi dümələnib qaçan
körpəsən.
Rəsul Rza.
27 yanvar 1962
Ədəbiyyat qəzeti.- 2023.-
11 mart.- S.2.