İlham Bədəlbəyli və Nəsib
Nəbioğlu mükafatlandırıldı
Oktyabrın
31-də Azərbaycan Yazıçılar Birliyində Rusiyada
yaşayan tanınmış qələm adamlarıyla
görüş keçirilib. Tədbiri Azərbaycan
Yazıçılar Birliyinin sədri, Xalq
yazıçısı Anar açaraq qonaqları salamlayıb.
Xalq yazıçısı Yazıçılar Birliyi tərəfindən
Rusiyada yaşayan, Azərbaycan ədəbiyyatının, Azərbaycan-Rusiya
ədəbi əlaqələrinin inkişafında xidmətləri
olan iki tanınmış yazıçının - İlham Bədəlbəyli
və Nəsib Nəbioğlunun Azərbaycan
Yazıçılar Birliyinin Fəxri diplomuna layiq
görüldüyünü elan edib.
İlham
Bədəlbəyli Yazıçılar Birliyinin rəhbərliyinə
göstərilən diqqətə görə təşəkkürünü
bildirib. O, Rusiyada yaşayan qələm adamlarının Azərbaycan
ədəbiyyatının təbliğində,
tanınmasında ciddi və davamlı fəaliyyət göstərdiyini
diqqətə çatdırıb.
Nəsib
Nəbioğlu çıxışı zamanı onun
yaradıcılığına verilən qiymətə görə
Yazıçılar Birliyinin sədrinə minnətdarlığını
bildirib. Uzun illər yurd-yuva həsrətilə yaşayan
şair Kəlbəcər səfərindən, orada
rastalaşdığı yenidənqurma işlərindən
söz açaraq sevincini tədbir
iştirakçılarıyla bölüşüb.
Tədbirdə
Əməkdar elm xadimi, professor Tofiq Məlikli, Xalq
yazıçısı Elmira Axundova, Azərbaycan
Yazıçılar Birliyinin sədr müavini Rəşad Məcid,
Birliyin katibi Elçin Hüseynbəyli, Moskva bölməsinin
sədri, professor Abuzər Bağırov, "Azərbaycan"
jurnalının baş redaktoru İntiqam Qasımzadə,
"Mir literaturı" qəzetinin baş redaktoru Elmar
Şeyxzadə və başqaları çıxış edərək
mükafata layiq görülən hər iki qələm
adamının yaradıcılıq fəaliyyətindən
söz açaraq onları təbrik edib, yeni uğurlar
arzulayıblar
Ədəbiyyat
qəzeti.- 2023.- 4 noyabr, №42-43.- S.7.