Bu gün...

Şəhid məzarının üstündə sanki

Uyuyan gülləri ağlayan gördüm.

Bu gün bir ananın gözlərindəki

Kədər dənizini çağlayan gördüm.

Bu gün bir gəlinin qara taleyi

Öz qara bəxtini hey ağlayırdı...

Bu gün bir körpənin kövrək gileyi

Şəhid məzarını qucaqlayırdı.

Bu gün göy üzü də geyinib qara,

O da matəmdədir, o da yas tutur.

Bu gün neçə qəlbə vuruldu yara,

Günəş də buludun gözün qurudur...

Günel RASİBQIZI

Astara

Ədəbiyyat qəzeti.- 2023.- 14 oktyabr, №39.- S.20.