Şairə vida sözü

Böyük şairimiz Bəxtiyar Vahabzadənin vəfatı ilə əlaqədar "Literaturnaya qazeta"nın bu il 18-24 mart tarixli sayında Azərbaycan Yazıçılar Birliyinin sədri Anarın və AYB-nin Moskva şöbəsinin sədri Tofiq Məliklinin yazdıqları vida sözü dərc olunmuşdur.

Vida sözündə deyilir: "Azərbaycanın xalq şairi Bəxtiyar Vahabzadənin ürəyi döyünməkdən qaldı; milli ədəbi dilin hüdudlarını genişləndirən və ona yeni ahəng verən, öz əsərlərində ideoloji çərçivələri dağıdan, sovetlər zamanında qadağan olunmuş mövzularda yazan, milli ruhu, milli maraqları qoruyan şairin ürəyi dayandı.

Onun əsərləri dünyanın bir çox dillərinə, o cümlədən rus dilinə də tərcümə edilmişdir. O, SSRİ Dövlət mükafatı laureatı idi, yüksək mükafatla - "İstiqlal" ordeni ilə təltif olunmuşdu.

Böyük şairin ədəbi qələbələrin sevinci və uğursuzluqların acısı ilə dolu yolunun - ona öz Vətənində və onun hüdudlarından uzaqlarda məşhurluq, şöhrət və məhəbbət gətirmiş yolunun başa çatdığını dərk etmək ağırdır".

Ədəbiyyat qəzeti.-2009.-17 aprel.-S.7.