Türkan Əfəndiyeva-80
Hörmətli Türkan xanım!
Sizi - tanınmış alimi yubileyiniz münasibətilə
təbrik edirik.
Siz yarım əsri adlayan səmərəli yaradıcılıq yolu keçmisiniz. filologiya
elmində az işlənmiş sahə
sayılan üslubiyyatda
cığır açan,
yeni söz deyən alimlərimizdənsiniz.
Bədii nitqlə bağlı maraqlı elmi araşdırmalarınız
var. Dilimizin leksikologiyası,
morfologiyası, üslubiyyatı,
bədii söz yaradıcılığı, poetika
məsələləri, nitq
mədəniyyəti və
s. əhatə edən
monoqrafiya, məqalə,
dərslik və dərs vəsaitləriniz
yüksək dəyərləndirilir.
"Azərbaycan dilinin
ifadə vasitələri",
"Azərbaycan ədəbi
dilinin üslubiyyat problemləri", "Azərbaycan
dilinin leksik üslubiyyatı", "Azərbaycan
- bədii dilinin üslubiyyatı" və
s. kitablarınız dilimizin
üslubiyyat, bədii
üslub, bədii söz yaradıcılığı,
sözün estetikası,
ifadəlilik imkanları
məsələlərinə həsr olunmuşdur. Araşdırmalarınızda söz həm
anlayış vasitəsi,
həm estetik amil kimi qiymətləndirilir,
bədii faktlar üzərində təhlil
edilir. Nəsimidən başlayaraq müasir
yazıçılarımıza qədər ədəbi dilimizin inkişaf və zənginləşməsində
hər bir sənətkarın rolu müəyyənləşdirilmişdir.
Sizin tərcüməçilik fəaliyyətiniz
də diqqətəlayiqdir.
Siz V.Z.Veliçkonun "Qafqaz
və qəbilələrarası
münasibətlər" kitabını
türkcəyə çevirmisiniz.
1951-ci ildə indiki Bakı Dövlət Universitetinin filologiya fakültəsini bitirmiş, 1952-ci ildə SSRİ EA Dilçilik İnstitutunda aspirant olmusunuz. 1959-cu ildə namizədlik, 1973-cü ildə doktorluq dissertasiyaları müdafiə etmisiniz. Elmi-tədqiqat İnstitutlarında işləmiş, BDU-da, Azərbaycan Dövlət Mədəniyyət və İncəsənət Universitetində kafedra müdiri, Azərbaycan Dövlət Pedaqoji Universitetində professor vəzifələrində çalışmısınız. Bir çox beynəlxalq türkoloji toplantılarda ölkəmizi layiqincə təmsil etmisiniz.
Hörmətli Türkan xanım!
Sizi bir daha yubileyiniz münasibətilə təbrik edir, uzun ömür, cansağlığı və yeni-yeni uğurlar arzulayırıq.
Azərbaycan Yazıçılar Birliyi
Ədəbiyyat qəzeti.-2009.-20
mart.-S.4.