Azərbaycan
Kino Həftəsinin proqramı
6-10 aprel tarixləri
arasında keçiriləcək Azərbaycan Kino Həftəsinın
proqramı müəyyənləşib. Mədəniyyət
və Turizm Nazirliyinin mətbuat katibi Zöhrə
Quliyevanın APA-ya verdiyi məlumata görə, kino həftəsi
keçirmək müasir Azərbaycan kinosunu təbliğ və
yeni çəkilmiş filmlərimizi geniş
tamaşaçı auditoriyasına təqdim etmək məqsədi
dasıyır.
Kino həftəsinin
açılışı aprelin 6-da Heydər Əliyev
Sarayında rejissor Samir Kərimoğlunun "Niyyət" bədii
filminin təqdimatı ilə baş tutacaq.
Aprelin 8-də
Sumqayıt şəhərində "Gənclərin qısa
filmləri" proqramına baxış və yaradıcı
gənclərlə, Azərbaycan Dövlət Mədəniyyət
və İncəsənət Universitetində gənc
rejissorlarla görüşün və "Nəfəs",
"İki", "Qocalar" qısametrajlı filmlərinə
baxışın keçirilməsi nəzərdə tutulur.
Aprelin 7-də
Şağan Uşaq evində "Cəsur təyyarə"
və "Xeyirxah kirpi" çizgi filmlərinə
baxış, aprelin 10-da N saylı hərbi hissədə
"Cavad xan" filminin nümayişi, 8-9 aprel tarixlərində
4 saylı qadın və 15 saylı cəzaçəkmə
müəssisələrində "Məhkumlar" və
"Niyyət" bədii filmlərinin nümayişi, aprelin
9-da Dövlət Film Fondunda görkəmli Azərbaycan
aktrisası Leyla Bədirbəylinin 90 illiyinə həsr
olunmuş xatirə gecəsi, elə həmin gün Heydər Əliyev
Fondu ilə birgə "Salnamə" sənədli filmlər
studiyasında istehsal edilmiş Qala qoruğu haqqında sənədli
filmin Əzizbəyov rayonunda premyerasının təşkili,
aprelin 9-da sənədli filmlər axşamının
keçirilməsi, aprelin 10-da "Ey həyat, sən nə qəribəsən!"
sənədli filminin təqdimatı keçiriləcək.
Həmin tarixlərdə,
eyni zamanda, Sabirabad, Dəvəçi, Şirvan, Hacıqabul,
Xaçmaz, Xırdalan, Göyçay, Gəncə, Yevlax
şəhərlərində yeni Azərbaycan filmlərinin
nümayişinin təşkili nəzərdə tutulur.
Ekspress.-
2010.- 1 aprel.- S. 10.