"Sənətin Məcnunu”: Səttar Bəhlulzadə haqqında kitab çap edilib

Dahi Azərbaycan rəssamı Səttar Bəhlulzadə haqqında kilab çap edilib. Əməkdar incəsənət xadimi, sənətşünas Ziyadxan Əliyevin Səttar Bəhlulzadəyə həsr etdiyi kitab: "Sənətin Məcnunu” adlanır

Mədəniyyət və Turizm Nazirliyinin mətbuat katibi Zöhrə Quliyevanın verdiyi məlumata görə, rəssamın həyat yolunu və yaradıcılığını əks etdirən kitabın təqdimat mərasimi aprelin 16-da İncəsənət Muzeyində olacaq. Təqdimat mərasimində baş nazirin müavini Elçin Əfəndiyev, mədəniyyət və turizm nazirinin müavinləri Sevda Məmmədəliyeva və Ədalət Vəliyev, nazirlik aparatının rəhbəri Firudin Qurbanov, Milli Məclisin deputatları Nizami Cəfərov, Elmira Axundova, Qənirə Paşayeva, Dövlət Mədəniyyət və İncəsənət Universitetinin rektoru Timuçin Əfəndiyev, Rəssamlar İttifaqının sədri, xalq rəssamı Fərhad Xəlilov, Milli Elmlər Akademiyası Memarlıq və İncəsənət İnstitutunun direktoru Ərtəkin Salamzadə, Dövlət Rəssamlar Akademiyasının rektoru Ömər Eldarov, sənətşünaslıq doktoru, professor İlham Rəhimli, Dövlət İncəsənət Muzeyinin direktoru İsrafil İsrafilov və Azərbaycanın digər görkəmli mədəniyyət və incəsənət xadimlərinin, ziyalıların iştirakı gözlənilir. Çıxışlar arasında bədii qiraət ustaları tərəfindən Məhəmməd Füzulinin qəzəllərindən nümunələr oxunacaq, xanəndələr Gülay Qədirova və Ehtiram Hüseynov müşayiətçilər Sahib Paşazadə (tar), Toğrul Əsədullayevlə (kamança) birgə konsert nömrələri ilə çıxış edəcəklər.

AYXAN

Ekspress.- 2010.- 15 aprel.- S. 14.