Səfurə Əlizadənin Avropa promo-turu başladı

 

"Eurovision-2010" mahnı müsabiqəsində Azərbaycanı təmsil edəcək Səfurə Əlizadə Almaniyaya səfər edib. APA-nın məlumatına görə, səfər Səfurə Əlizadənin və onun ifa edəcəyi "Drip drop" mahnısının tanıdılması məqsədilə həyata keçirilib. Artıq iki gündür ki, bu ölkədə səfərdə olan təmsilçimiz Almaniyanın Münhen, Köln, BerlinHamburq şəhərlərində promo-aksiyalar həyata keçirib, canlı verilişlərdə qonaq olub.

S.Əlizadə bildirib ki, bu həyat onu heç yormur o, "Eurovision-2010" müsabiqəsi uğurla başa çatdıqdan sonra istirahət edəcək: "Mən artıq qatarlarda yatmağa öyrəşmişəm. Bu heç məni sıxmır və yorğun deyiləm. Əksinə, bu həyat məni cəlb edir ölkəmizi layiqincə təmsil etmək üçün əlimdən gələni edirəm. Çox şadam ki, "Drip drop" mahnısından bütün insanların xoşu gəlir. Bunu görmək çox gözəl bir hissdir. Görürəm ki, insanlar əziyyətimizi qiymətləndirirlər. Sadəcə, təəssüflənirəm ki, mən promo-tur çərçivəsində olacağım ölkələri gəzə bilməyəcəyəm, çünki buna vaxtım olmayacaq".

Təmsilçimizin sözlərinə görə, o, 55-ci "Eurovision" müsabiqəsi başlayana qədər promo-turlarda olacaq. S.Əlizadə sıx proqrama baxmayaraq vokal məşqləri, ingilis dilinin dərslərini davam etdirəcəyini qeyd edib.

Səfurə Almaniyada "DPA" agentlyinə, "Berliner Zeitung", "Welt am Sonntag" qəzetlərinə müsahibələr verib, "BLR", "RPR" televiziya kanallarındakı şoularda iştirak edir.

Dünən o, Almaniyada səfərini başa vurub, promo-tur çərçivəsində Niderland, Yunanıstan, İsveçrə, Belçika, Polşa Rusiyaya səfər edəcək.

 

 

Ekspress.- 2010.- 4 may.- S. 14.