İslam şairlərinin “Sevgi fəsli”

 

Mayın 19-da M.F.Axundov adına Milli Kitabxanada Mədəniyyət Turizm Nazirliyinin maliyyə dəstəyi işıq üzü görən "Sevgi fəsli" kitabının təqdimat mərasimi keçirilib. Tədbiri kitabxananın direktoru Kərim Tahirov açaraq bildirib ki, "Bakı -İslam mədəniyyətinin paytaxtı- 2009” tədbirləri çərçivəsində nəşr edilən kitabda İslam ölkələri şairlərinin şeirləri toplanıb: "Bu qəbildən olan kitabların təbliği mütləqdir. Biz Milli Kitabxana olaraq bu toplunun İslam ölkələrinə göndərilməsini təmin edəcəyik". Kitabın tərtibçisi redaktoru  Ağacəfər Həsənli  isə bu kitabı azad sözün təntənəsi kimi qiymətləndirib. Qeyd edib ki, "Çinar-çap" nəşriyyatında buraxılan "Sevgi fəsli”nə Türkiyə, İraq, İran, Özbəkistan,  Qazaxıstan, Pakistan, Misır, Əfqanıstan,  Türkmənistan, Qırğızıstan, Tacikistan,   Fələstin, Livan, təbii ki, Azərbaycan ədəbiyyatının istedadlı nümayəndələrinin şeirləri daxil edilib: "Müxtəlif ədəbi nəsilləri təmsil edən söz ustaları əsasən İslami-mədəni-mənəvi dəyərlərin, insan sevgisinin vəsfinə nail olub, duyğu düşüncələrini  obrazlı  ifadə etməyi bacarıblar. Kitabda çağdaş ədəbiyyat nümunələri toplanıb. Çünki klassikləri tanıyan oxucuların çağdaş ədəbiyyat barədə o qədər təsəvvürləri   yoxdur. Ümumiyyətlə, kitabı hazırlayanda da çətinliklə qarşıladıq. Milli Kitabxananın   kollektivinin böyük zəhməti oldu. Müxtəlif jurnallardan,  antologiyalardan  almanaxlardan   böyük zəhmət  nəticəsində bu şeirlərin bəzilərini toplaya bildik. Hər halda ilk təcrübə olduğundan, düşünürəm  ki, uğurlu  alınıb".

 

 

AYXAN    

 

Ekspress.- 2010.- 20 may.- S. 14.