Bu gün paytaxtda Kıtab bayramıdır

Bu gün Müslüm Maqomayev adına Aərbaycan Dövlət Filarmoniyasının qarşısındakı bağda Bakı Şəhər Mədəniyyət və Turizm İdarəsinin təşkilatçılığı ilə "Kitab bayramı-2010" adlı tədbirin açılış mərasimi keçiriləcək. İdarədən APA-ya verilən məlumata görə, bayramda 20-dən çox mövzunu əhatə edən 2056 adda 29260 nüsxə kitab sərgilənəcək. Tədbirdə Bakı Şəhər Mədəniyyət və Turizm İdarəsinin şəbəkəsinə daxil olan kitabxanalarla yanaşı, Bakı Kartoqrafiya Fabriki, M.Seyidzadə adına kitabxana-mağaza, "Əli və Nino" Kitab Evi, Kitab Klubu, Bakıda fəaliyyət göstərən “Qlobal Publishing”, “Nurlar”, "Beşik", "Şərq-Qərb", "Xəzər", "Çinar-çap" və "Qanun" nəşriyyatlarının kitablarının sərgi satışı da təşkil olunacaq. Burada qonaqlar həm sərgilənən kitablarla tanış ola, həm də bəyəndikləri kitabları əldə edə biləcəklər.

"Kitab bayramı-2010"da Bakı şəhər musiqi məktəbləri və mədəniyyət evlərinin kollektivləri, Bakı Uşaq Teatrı, "Cəngi", "Aysel" və "Şəms" rəqs qrupları çıxış edərək bayrama musiqi nömrələri ilə rəng qatacaqlar. Tədbir iştirakçılarına xatirə hədiyyələri də təqdim oluna-caq. Tədbirə Mədəniyyət və Turizm Nazirliyi, Bakı Şəhər İcra Hakimiyyəti, Qəbələ Konserv Zavodu, "Azersun Holding" MMC, "Orli-servise" təşkilati dəstək verib.

Ekspress.- 2010.- 26 may.- S. 14.