Əndəlibin 350 illiyi Bakı Dövlət Universitetində də qeyd olundu

Bakı Dövlət Universitetində (BDU) böyük türkmən şairi Nurməhəmməd Əndəlibin 350 illik yubileyi münasibətilə tədbir keçirilib. Tədbirdə çıxış edən BDU rektoru Abel Məhərrəmov bildirib ki, türk dünyasının tanınmış ədiblərindən olan Nurməhəmməd Əndəlib həm böyük poemalar müəllifi, həm lirik şeirlər müəllifi kimi tanınıb.

A.Məhərrəmov deyib ki, son illər Türkmənistan və Azərbaycan arasında əlaqələr çox gözəl inkişaf edir və Türkmənistan prezidentinin BDU-nun fəxri doktoru seçilməsi də bu əlaqələrin inkişafına sübutdur.

Türkmənistanın Azərbaycandakı səfiri Toylı Komekov da Nurməhəmməd Əndəlibin türkmən ədəbiyyatında xüsusi rolu olduğunu vurğulayıb. Səfir Azərbaycan və Türkmənistan arasında əlaqələrin daim inkişaf etdiyini söyləyib.

Ekspress.-2011.-11 mart.-S.14.