Sosial xidmət müəssisələri
Bu müəssisələrdə çətin
həyat şəraitində
olan şəxslərə
xidmət göstərilir
Qaçqın və məcburi
köçkünlərin, əhalinin sosial cəhətdən qayğıya
ehtiyacı olan təbəqələrinin problemlərinin
həlli ilə bağlı həyata keçirilən tədbirlərin
işıqlandırılması
Azərbaycanda xüsusi qayğıya ehtiyacı olan vətəndaşların sosial müdafiəsinin səmərəli təşkili məqsədilə dövlət müxtəlif vasitələrdən istifadə edir. Bu vasitələrdən biri də sosial xidmət müəssisələrinin yaradılması və burada xidmətin təşkilidir.
"Sosial xidmət haqqında" qanuna görə çətin həyat şəraitində olan şəxslər zərurət olduqda sosial xidmət müəssisəsinə yerləşdirilə bilər. Belə müəssisələri yaratmaqla dövlət sosial cəhətdən həssas vətəndaşların reabilitasiyası işinin daha dolğun və səmərəli həyata keçirmək imkanına sahib olur. Bununla əlaqədar olaraq ölkəmizdə ahıllar və əlillər üçün internat evləri, psixonevroloci internat, uşaq evləri - əqli geriliyi olan uşaqlar üçün internat, fiziki qüsurları olan uşaqlar üçün internat evləri, insan alveri qurbanlarının müvəqqəti yaşaması üçün sığınacaqlar, cəza çəkməkdən azad edilmiş şəxslər üçün sosial adaptasiya mərkəzləri və s. fəaliyyət göstərir. Burada həmin insanların yaşayış şəraitinin yaxşılaşdırılması, bu müəssisələrdə sosial-məişət və tibbi xidmətin təşkili keyfiyyətinin yüksəldilməsinə xüsusi diqqət ayrılır.
Bu müəssisələrlə yanaşı sosial xidmətlərin göstərilməsi üçün digər sosial xidmət müəssisələri (günərzi qayğı mərkəzləri, yetkinlik yaşına çatmayanlar üçün reabilitasiya mərkəzi, sosial-psixoloci kömək mərkəzi, sağlamlıq imkanları məhdud olan uşaq və yeniyetmələr üçün sosial reabilitasiya mərkəzi, müvəqqəti sığınacaqlar, peşə istiqamətləndirilməsi mərkəzi, müvəqqəti xidmət şöbələri, kiçik qrup evləri, sosial mağazalar və yeməkxanalar və s.) də yaradılmasına qanunvericilik icazə verir.
Qanunvericiliyə görə, bəzi insanlar sosial xidmət müəssisələrinə könüllü, bəziləri isə məcburi qaydada cəlb edilir. "Sosial xidmət haqqında" Qanunda qeyd edilir ki, fəaliyyət qabiliyyəti olmayan, müvafiq icra hakimiyyəti orqanının qərarına əsasən özünün əsas həyati tələbatını müstəqil təmin edə bilməyən, ona baxmağa borclu olan əmək qabiliyyətli qohumlarının və ya qanuni nümayəndələrinin həmin şəxslərə qulluq edə bilməyəcəkləri barədə yazılı ərizələri olduğu hallarda çətin həyat şəraitində olan şəxslər zərurət olduqda sosial xidmət müəssisəsinə yerləşdirilə bilər.
Çətin həyat şəraitində olan şəxsin sosial xidmət müəssisəsində yerləşməsi zəruri olduqda, lakin həmin şəxs bundan imtina etdikdə isə onun sosial xidmət müəssisəsinə yerləşdirilməsi müvafiq icra hakimiyyəti orqanının müraciəti ilə məhkəmə tərəfindən həyata keçirilə bilər.
Sosial xidmət müəssisəsində yerləşdirilmə üçün şəxsin və ya ailənin çətin həyat şəraitində olması təsdiqini tapmalıdır. "Sosial xidmət haqqinda" Qanuna görə, şəxs və ya ailə bir neçə halda çətin həyat şəraitində hesab edilə bilər. Yetkinlik yaşına çatmayanlar valideynlərini itirdikdə və ya valideyn himayəsindən məhrum olduqda, yetkinlik yaşına çatmayanların baxımsızlığı, cəmiyyətin davranış normalarına zidd hərəkətləri olduqda, 3 yaşadək uşaqların erkən əqli və fiziki inkişaf imkanlarının məhdud olduqda, orqanizmin fiziki və ya əqli imkanlarını şərtləndirən xroniki funksiya pozğunluqları yarandıqda, sosial əhəmiyyətli və ətrafdakılar üçün təhlükə yaradan xəstəliklər nəticəsində həyat fəaliyyətinin məhdudlaşdıq həmin şəxs çətin həyat şəraitində yaşayan sayılır. Sadalananlarla bərabər xəstəlik və əlillik nəticəsində, ahıllıqla əlaqədar özünə qulluq etmək qabiliyyəti itdikdə, şəxsi sosial dezadaptasiya (yadırğama) və sosial deprivasiyaya (məhrumiyyətə) gətirib çıxaran qəddar davranış mövcud olduqda, yaşayış yeri olmadıqda, cəzaçəkmə müəssisəsindən azad edildikdə və insan alverinin qurbanı olduqda həmin şəxs də sosial xidmət müəssisəsinə cəlb edilir.
Ötən ilin məlumatına görə, Azərbaycanda ümumilikdə 9 internat evi var. Onlardan 2-i əqli cəhətdən geri qalan uşaqlar üçün internat evi, 7-i ahıllar və əlillər üçün internat evləridir.
Ahıllar və əlillər üçün internat evlərində cəmi 812 yer var. 2011-ci ildə yerlərin sayı 1012 olub. Sosial xidmət müəssisələrində yerlərin sayının azalması təmir və yenidənqurma işləri ilə əlaqədardır.
2013-cü ilin məlumatına görə həmin müəssisələrdə 740 nəfər yerləşdirilib.
Əqli cəhətdən
geri qalan uşaqlar üçün
internat evlərində isə yerlərin
sayı 370-dir. Burada da yerlərin sayında azlma var. 2010-cu ildə yerlərin sayı 605 idi.
Əqli cəhətdən geri qalan uşaqlar
üçün internat
evlərində 310 nəfər
yaşayır.
Məlumata əsasən 9 internat evinin 4-ü Bakıda, qalanları Abşeron rayonunda, Naxçıvan
MR-nın Şahbuz rayonunda, Gəncə şəhərində, Şamaxı
şəhərində və
Göygöl rayonunda yerləşir. Bakı şəhərində Gənc
əlillərin əmək
və istirahət evi (Ramana qəsəbəsi),
Müharibə və əmək əlilləri
üçün pansionat
(Bilgəh qəsəbəsi),
9 nömrəli ruhi-əsəb
internat evi (Buzovna qəsəbəsi) və 3 nömrəli ağıldankəm uşaqlar
üçün internat
evi (Mərdəkan qəsəbəsi) var. Şahbuz
rayonunun Şahbuz qəsəbəsində Qoca
və kimsəsizlər
üçün pansionat,
Gəncə şəhərində
Pensiyaçılara ərazi
sosial xidmət mərkəzi, Şamaxı
şəhərində 1 nömrəli
ruhi-əsəb internat
evi, Göygöl rayonunun Qırıxlı kəndində 8 nömrəli
ruhi-əsəb internat
evi, Abşeron rayonunun saray qəsəbəsində isə
7 nömrəli ağıldankəm
uşaqlar üçün
internat evi yerləşir.
Bakı şəhəri, Sabunçu
rayonu, Bilgəh qəsəbəsində yerləşən
Müharibə və əmək əlilləri
üçün pansionatda
hazırda 155 nəfər
tənha ahıl və əlil tam dövlət himayəsində
yaşayır, daimi olaraq yaşayış şəraiti, qida, geyim və tibbi
xidmətlə təmin
olunurlar. Pansionatda əsaslı təmir
işləri aparılmaqla,
pansionat üçün
ikinci korpus inşa edilib.
Yaşı 63-dən yuxarı tənha vətəndaşlar
üçün nəzərdə
tutulan bu pansionatda əvvəllər
daha aşağı yaşda olan insanların da məskunlaşdırıldı. Halbuki həmin insanlar təyinatı üzrə
müvafiq sosial xidmət müəssisəsinə
yerləşdirilməlidirlər.
İndi bu cür hallara həmin pansionatda yol verilmir. Pansionatın profilinə uyğun
olmadan burada yerləşdirilən 16 nəfərin
nazirliyin tabeliyində
olan digər sosial xidmət müəssisələrində yerləşdirilib.
Buzovnada yerləşən 9 saylı ruhi-əsəb əlilləri və qocalar üçün ixtisaslaşdırılmış internat evində 214 nəfər dövlət himayəsində yaşayır.
Əmək və Əhalinin Sosial Müdafiəsi Nazirliyinin məlumatına
görə, nazirliyin sifarişi ilə Bakının Sabunçu rayonunun Zabrat qəsəbəsində inşa
olunan Gözdən Əlillər üçün
Tədris-Bərpa Mərkəzi,
Yetkinlik yaşına çatmayanlar üçün
İxtisaslaşmış Reabilitasiya
Mərkəzi və Sosial Sığınacağı
tikilir. Bu müəssisələrin
tikintisi 2014-cü ilin
ikinci yarısında başa çatdırılması
nəzərə tutulub.
Gözdən Əlillər üçün
Tədris-Bərpa Mərkəzi
gözdən əlillərin
gündəlik həyatda
zəruri vərdişlərə,
peşə-əmək qabiliyyətlərinə
yiyələnmələri, onların sosial reabilitasiyasının daha
dolğun şəkildə
aparılması məqsədinə
xidmət edir. İxtisaslaşmış Reabilitasiya Mərkəzi
və Sosial Sığınacaq isə
çətin həyat
şəraitinə düşmüş,
sosial cəhətdən
təhlükəli vəziyyətdə
olan uşaqları müvəqqəti yaşayış
yeri, sosial, psixoloci və digər xidmətlərlə,
hüquqi yardımla təmin edəcək.
Sosial müdafiə əhəmiyyətli
digər yeni sosial layihə kimi, hazırda Qobustan rayonunda Penitensiar müəssisələrdə
cəza çəkməkdən
azad olunan şəxslər üçün
Sosial Adaptasiya Mərkəzi də inşa olunur. Mərkəzdə qeyd olunan şəxslərin peşə
hazırlığı və
işlə, tibbi və sosial yardımla təmin edilməsi, sosial adaptasiya olunmaları məqsədilə dövlət
orqanları və qeyri-hökumət təşkilatları
ilə birgə müvafiq işlər aparılacaq.
Sosial xidmət müəssisələrində
xidmətin təşkilinin
keyfiyyəti bu müəssisələrdəki təmir və texniki təchizat vəziyyətindən çox
asılıdır. Azərbaycanda olan sosial xidmət
mərkəzlərinin əksəriyyəti
sovet döbründə
tikilib və onların əsaslı təmirə ehtiyacı olub. Buna görə
də son illərdə
həmin müəssisələrdə
əsaslı təmir
işləri aparılıb.
Bu məqsədlə əvvəl icra edilən və hazırda da icrası həyata keçirilən regionların
sosial-iqtisadi inkişafı
dövlət proqramlarında
da tədbirlər nəzərdə tutulub.
Bakı şəhərinin 2011-2013-cü illəri əhatə edən dövlət proqramı çərçivəsində
Buzovna qəsəbəsində
9 saylı İxtisaslaşdırılmış
Ruhi-Əsəb İnternat
Evi, Bilgəh qəsəbəsində Müharibə
və Əmək Əlilləri üçün
Pansionatın (Qocalar Evi) yeni korpusu
tikilib, Yeni Ramana qəsəbəsində
Sağlamlıq İmkanları
Məhdud Gənclərin
Peşə Reabilitasiya
Mərkəzi istifadəyə
verilib. Həmçinin
yuxarıda da qeyd edildiyi kimi
Gözdən Əlillər
üçün Tədris
Bərpa Mərkəzinin,
yetkinlik yaşına çatmayanlar üçün
50 yerlik İxtisaslaşdırılmış
Reabilitasiya Mərkəzinin
və Sosial Sığınacağın tikintisi,
Bakı Protez-Ortopedik Bərpa Mərkəzinin, Respublika Əlillərin Bərpa Mərkəzinin təmiri işləri davam etdirilib.
Hazırda icrası həyata keçirilən 2014-2018-ci illəri
əhatə edən regionların sosial-iqtisadi inkişafı Dövlət
Proqramında da əhalinin sosial müdafiəsi sahəsində
nəzərdə tutulan
tədbirlər arasında
sosial xidmət müəssisələrinin vəziyyətinin
yaxşılaşdırılması da var. Proqramda qeyd edilir ki,
2018-ci ilə qədər
regionlarda sosial xidmət göstərən
dövlət müəssisələrinin
maddi-texniki bazası gücləndirilməli, onların
növləri və şəbəkəsi genişləndirilməlidir.
Proqram çərçivəsində
konkret olaraq Sumqayıt şəhər
Əlillərin Regional Bərpa
Mərkəzinin bərpa-gücləndirilməsi
və əsaslı təmiri aparılacaq.
Bundan başqa Yevlax şəhər Əlillərin Regional Bərpa
Mərkəzinin bərpa-gücləndirilməsi
və əsaslı təmiri, Qobustanda penitensiar müəssisələrdə
cəza çəkmiş
şəxslər üçün
50 yerlik Sosial Adaptasiya Mərkəzinin tikintisi, Naftalan şəhər Əlillərin
Regional Bərpa Mərkəzinin
bərpa-gücləndirilməsi və əsaslı təmiri, Naxçıvan
Muxtar Respublikasının
Psixi Xəstəliklər
Dispanserinin və Naxçıvan Əlillərin
Bərpa Mərkəzinin
əsaslı təmiri
nəzərdə tutulub.
Vasif CƏFƏROV
Ekspress.-2014.- 16 iyul.- S.9.