Düşməni
yandırıb, kül etmək gərək...
Xocalı şəhidlərinin
xatirəsinə
Yaman narahatsan, yormuşam səni,
Təntimə, təntimə hələ, ürəyim.
Eləmişəm yollarımda şam səni,
Tez dindin, tez gəldin dilə,
ürəyim.
Sıldırım yollar var, zirvə
var öndə,
Səni qorxutmasın o dağlar
öndə,
Yağı tapdağında
yaylaqlar öndə,
Düşmən tələ
qurdu, tələ, ürəyim.
Ağır zərbə oldu
Göyçə niskili,
Qəm-kədərlə
yaşayırıq hər ili,
Qəzəbdən adamın tutulur
dili,
Günləri veririk
yelə, ürəyim.
Uşaqlıq
çağımda görmüşəm nələr?
Cahan savaşında qəmliydi
günlər,
Onda yoxa çıxdı toylar,
düyünlər,
Zamanın
hökmünə kölə ürəyim.
Bəd xəbər gəlirdi min
yol cəbhədən,
Mənimlə çəkmisən
o anları sən,
Köksümün
altında sızladın nədən?
Daşdı kədər,
döndü selə, ürəyim.
Atasız Əlinin köməyi
oldun,
Ən çətin anlarda diləyi
oldun,
Həmişə sirdaşı, gərəyi
oldun,
Nə yaxşı
dönmədin külə, ürəyim.
Zəhmətə qatlaşdım
yeddi yaşımdan,
Kədərim, dərdlərim
aşdı başımdan,
Anam getdi, sarsıldım göz
yaşımdan,
Qəm çiləndi
aya ilə, ürəyim.
Nə yaxşı büdrəyib,
təntimədik biz,
Sıldırım yolları
keçdik ikimiz.
Ağır oldu belimizdə
yükümüz,
Yorğun
düşdük gələ-gələ, ürəyim.
Sənə arxalandım,
yaxşı oxudum,
Kömək, imdad andım,
yaxşı oxudum,
Vardı ülvi andım,
yaxşı oxudum,
Düşərmi o
günlər ələ, ürəyim?
Əlvida şagirdlik, əlvida,
dedim,
Ali təhsil alım dünyada,
dedim,
Bir də heyran oldum bu ada, dedim,
Gəldik dərdi
bölə, bölə, ürəyim.
Fərəhləndik ilk kitabım
çıxanda,
Sevinc hissim gözlərimdə
çaxanda,
Mətin olduq, sarsılmadıq bir an da,
Çətinliyi billə-bilə,
ürəyim.
Sevincini duyduq biz ilk övladın,
Məni yaşadırsan, ürəkdir
adın,
Bir zaman sönməzdi atəşin,
odun,
İstərdim hər
zaman gülə ürəyim.
Sevgi hisslərini yaşayan oldun,
Bir eşqin naminə yandın,
qovruldun,
Fərəhi, kədəri duydun,
yoruldun,
Sən də
vurulmusan elə, ürəyim.
Sənətin yolları, şeirin
zirvəsi,
Yaşamaq həvəsi, yazmaq həvəsi,
İncitdi, inlətdi nadan tənəsi,
Sağlam ol, xoşbəxtlik
dilə, ürəyim.
Qəlbimdə nə qədər
arzu, dilək var,
Qışdan gen dolanaq,
gülsün ilk bahar,
Arxam-köməyimdir bu el, bu diyar,
Baş vuraq dənizə,
gölə, ürəyim.
Yaman narahatsan, yormuşam səni,
Təntimə, təntimə
hələ, ürəyim.
Eləmişəm yollarımda
şam səni,
Tez dindin, tez gəldin dilə,
ürəyim...
22 mart 2005
Hardasan
Ağdam uğrunda gedən
döyüşlərdə həlak olmuş ağdamlı
şəhid Teymur Hüseynovun bacısı Ağgülün
dilindən
Qarabağda qan töküldü,
qan axdı,
Ay Teymurum, qardaş payım,
hardasan?
Daha gecdi, baş sındırmaq
nahaqdı,
Ay Teymurum, qardaş payım,
hardasan?
Dörd bacıydıq, dörd
qardaşdan biri sən,
Candan sevdin bu torpağı, eli sən,
Ölməmisən, can-ciyərim,
dirisən,
Ay Teymurum, qardaş payım,
hardasan?
Dörd bacından sənə
düşən bacı mən,
Bil, ay qardaş, bil,
başının tacı mən,
Acı saydım bu günləri,
acı, mən,
Ay Teymurum, qardaş payım,
hardasan?
Namus, qeyrət dövr elədi
qanında,
Sən Ağdamı
yaşadırdın canında,
Çətin gündə oldun onun
yanında,
Ay Teymurum, qardaş payım,
hardasan?
Vətəni canından çox
sevirdin sən,
Döyüşə, vuruşa sinə
gərdin sən,
O yolda canını qurban verdin sən,
Ay Teymurum, qardaş payım,
hardasan?
Şəhid oldun, mənim
iftixarımsan,
Adın müqəddəsdir, bir
vüqarımsan,
Şöhrətin əbədi,
xilaskarımsan,
Ay Teymurum, qardaş payım,
hardasan?
Cəsurlar yaşayır,
ölmür dünyada,
Acizlər xar olur, gülmür
dünyada,
Qorxaqlar öyünə bilmir
dünyada,
Ay Teymurum, qardaş payım,
hardasan?
Göz
yaşımız selə dönüb neyləyək?
Ürəyimiz
külə dönüb, neyləyək?
Bir günümüz
ilə dönüb neyləyək?
Ay Teymurum, qardaş payım,
hardasan?
Yox, ananın üzü heç
vaxt gülməyir,
Sevinc nədir, fərəh nədir
bilməyir,
Kimsə onun göz
yaşını silməyir,
Ay Teymurum, qardaş payım,
hardasan?
Əbədiyyət adlı bir
diyardasan!
24 iyul 1999
Alın yazısı...
("Əbədi qəhrəmanlıq"
poemasından)
Azərbaycanın
Milli Qəhrəmanı Məhərrəm Seyidovun
ömür-gün yoldaşı Şəkər xanıma
ithaf olunur.
Alın yazısıymış,
inanmaq çətin,
Sarsılma, mərd dayan,
dözümlü ana.
Belə imiş sənin bəxtin,
qismətin,
Həsrət oduna
yan, dözümlü ana.
Daşı dörd balanın
qayğı yükünü,
İntizarla yaşayırsan hər
günü,
İlahidən gələn bir səsi,
ünü,
Silmə
yaddaşından, dözümlü ana.
Gərək çin olaydı
arzun, niyyətin,
Taleyin sınağı çətindi,
çətin,
Sənin ülvi sevgin, saf məhəbbətin
Hey tutur qolundan, dözümlü
ana.
Məhərrəmin tövsiyyəsi
yadında,
Adın Şəkər,
ömrün zəhər dadında,
Çox alışdın
iztirabın odunda,
Arxan Azərbaycan,
dözümlü ana.
Qəhrəmanın
arvadıdır, deyirlər,
Məzarı önündə hey
baş əyirlər,
Fəxri övlad sayıb onu
öyürlər,
Sevir hər bir insan,
dözümlü ana.
Məhərrəm əvəzi
qoşa oğlun var,
Müqəddəs amalın,
doğru yolun var,
Sənə "qızım"
deyir bu doğma diyar,
Yurdundur Naxçıvan,
dözümlü ana.
Xeyir-dua aldın Öndərimizdən,
Əcəl tez ayırdı Öndəri
bizdən,
Ümum Milli Lider Heydəri bizdən,
Oydu yurda loğman,
dözümlü ana.
Özün gördün, yalnız
özün hər işi,
Lənətlədin bədniyyəti,
şər işi,
Getdi Məhərrəmlə ər
nəvazişi,
Sıxdı səni
dövran, dözümlü ana.
Bu gün Məhərrəmin
rütbəsi səndə,
Arzusu, istəyi, nəfəsi səndə,
Hopub yaddaşına, gur səsi səndə,
Xatırla, onu an,
dözümlü ana.
Adını vermisən öz nəvənə
sən,
Yanında sayırsan onu yenə sən,
Ruhunu yad elə dönə-dönə
sən,
Şəkli evdə
mehman, dözümlü ana.
Həm atasan, həm anasan övlada,
Qəhrəman Məhərrəm
hey düşür yada,
Darıxma, dörd balan yetişər
dada,
Yarı
övladından, dözümlü ana.
Cüt oğulun, qoşa
qızın anası,
Ülviyyə, Şərqiyyə səni
anası,
Nəvələrçün
yanasısan, yanası,
Çıxdın
çox sınaqdan, dözümlü ana.
Ata yadigarı mərd Rasim, Habil,
Sən varsan, çəkməsin dərd
Rasim, Habil,
Məhərrəmin varisidir onlar,
bil,
Dönməzlər
düz yoldan, dözümlü ana.
Baba əvəzidir Məhərrəm
nəvən,
Hərdən görür səni
gözü nəm, nəvən,
Qoyma kədərlənsin, çəksin
qəm, nəvən,
Vallah üzülər can, dözümlü ana.
Büdrəmədin, təntimədin
yollarda,
Sən sözünü işlə
dedin yollarda,
Ayıq idin, sayıq idin yollarda,
Məğrursan hər
zaman, dözümlü ana.
On doqquzu yanvar doxsanıncı il,
Sənin yaddaşından silinən
deyil,
Həmin gün doğulub, yadda
saxla, bil,
İlk Milli Qəhrəman,
dözümlü ana.
Əli Vəkil dərk elədi dərdini,
El itirdi Məhərrəmi - mərdini,
O qorudu balasını, yurdunu,
Unutmaz bu məkan,
dözümlü ana.
24 oktyabr 2004
Elə bildim...
Boylanıram yollara mən,
Gecikirsən bilməm
nədən?
Diksindim ayaq səsindən,
Elə bildim gələn
sənsən.
Sənsiz qəlbim isinməyir,
Hərdən lal olur, dinməyir,
Heç nə canıma sinməyir
-
Elə bildim gələn
sənsən.
Əlim niyə yatmır işə,
Sevən ürək sanki
şüşə,
Gəl yanımda qal həmişə,
Elə bildim gələn
sənsən.
Sevgimi duyan olmayır,
Qəlbimə həyan olmayır,
Darıxma deyən olmayır,
Elə bildim gələn
sənsən.
Harda qaldı can sirdaşım,
Axdı qəlbimə göz
yaşım,
Bəlalıdır mənim
başım,
Elə bildim gələn
sənsən.
Darıxarmış yol gözləyən,
Əli Vəkildi izləyən,
Xəyalı yar əzizləyən,
Elə bildim gələn
sənsən.
10 iyun 2002
Sənəd, imza tələb etmə
(Böyük fransız
yazıçısı Aleksandr Dümanın Bakıdan məktubu.
25 noyabr 1858)
Bir zaman İrana, indi Rusiyaya
Məxsus bir Asiya
şəhərindəyəm.
Peyğəmbərim - Zərdüşt
qoy olsun əyan,
Səcdəgahım
oddur, məcburam deyəm.
Ayaqlarım altındakı torpaq,
su,
Ətrafımda hava
yanır, inanın.
Bakı neftlə zəngin, həqiqətdi
bu,
Görən Odlar
yurdu sanır, inanın.
Azərbaycanlılar - mərd, alicənab,
Sənəd tələb
etmə sövdələşəndə.
Xalqın bir adı var - mərd,
alicənab,
Söz verdi,
qurtardı, inandım mən də.
Burda məğrur, nər kişilər
var, bilin,
Onlar cəsur,
enlikürək, qamətli.
Sözübütöv ər
kişilər var, bilin,
Qəlbi təmiz
dostlar seçdim hörmətli.
Hər bir adam
qonaqpərvər, mehriban,
Ağıllı,
kamallı, fərasətlidir.
Şər nədi, yalan nə, bilməz
heç zaman,
Çevikdir,
qorxmazdır, nəcabətlidir.
Əgər ortalıqda haqq-hesab
olsa -
Demək, kişi
şərti, kişi sözü var.
Dönməz dediyindən dünya
dağılsa,
Kişilərin bir
sözü, bir üzü var.
Müdriklər, ərənlər
mətin, vüqarlı,
Qayğıkeş,
namuslu - ad çıxarıblar.
Hər kəs həm qeyrətli, həm
etibarlı,
Qonağın da
göz üstündə yeri var.
Dəmirqapı Dərbənd - qədim
bir məkan,
Şəhərlərin
vuran qəlbi deyərdim.
Sakinləri istiqanlı, mehriban,
Hörmətli
qonağam, daha nə dərdim.
Dümanın yazdığı
millətiksə biz,
Vədin,
sözümüzün ağası olaq.
Geriyə alınsın bölgələrimiz,
Cənnət
Qarabağda qələbə çalaq.
Fransız yazarı, dahi bir ədib,
Bizə qiymət
verib, bəşəri qiymət.
Dəyərli söz deyib, dəqiq
vəsf edib,
Qəlbində yurduma
sonsuz məhəbbət.
Nə gözəl söyləyib:
Odlar ölkəsi!
Düşməni
yandırıb, kül etmək gərək.
Şuşadan ucalsın qoy "Cəngi" səsi,
Qanmazı qandırıb, kül etmək gərək,
Düşməni yandırıb, kül etmək gərək.
11 fevral 2006
Əli
VƏKİL
Ekspress.-2015.- 26 yanvar.- S.15.